# ભૂલો ભલે બીજું બધું, માબાપને ભૂલશો નહી - Bhulo Bhale Bijun Badhun Maa Bapane Bhulasho Nahi - Lyrics

**URL:** <https://gujarati.world/t/bhulo-bhale-bijun-badhun-maa-bapane-bhulasho-nahi-lyrics/438>\
**Category:** પ્રભાતિયા - પ્રાર્થના\
**Tags:** ભક્તિ-bhakti\
**Created:** [May 13, 2022, 2:25am UTC](https://gujarati.world/t/bhulo-bhale-bijun-badhun-maa-bapane-bhulasho-nahi-lyrics/438 "2022-05-13T02:25:20Z")\
**Posts on this page:** 1\
**Page:** 1

<div class="post-metadata">

**Author:** ![gujarati](https://gujarati.world/letter_avatar_proxy/v4/letter/g/c67d28/32.png) [@gujarati](https://gujarati.world/u/gujarati)\
**Post date:** [May 13, 2022, 2:25am UTC](https://gujarati.world/t/bhulo-bhale-bijun-badhun-maa-bapane-bhulasho-nahi-lyrics/438/1 "2022-05-13T02:25:20Z")

</div>

# ભૂલો ભલે બીજું બધું, માબાપને ભૂલશો નહી

ભૂલો ભલે બીજું બધું, માબાપને ભૂલશો નહી  
અગણિત છે ઉપકાર એના, એહ વિસરશો નહી

અસહ્ય વેઠી વેદના, ત્યારે દીઠું તમ મુખડું  
એ પુનિત જનના કાળજાં, પથ્થર બની છૂંદશો નહી

કાઢી મુખેથી કાળિયા, મોંમા દઈ મોટા કર્યા  
અમૃત તણા દેનાર સામે, ઝેર ઉછાળશો નહી

લાખો લડાવ્યા લાડ તમને, કોડ સહુ પુરા કર્યા  
એ કોડના પૂરનારના, કોડ પૂરવા ભૂલશો નહી

લાખો કમાતા હો ભલે, માબાપ જેથી ના ઠર્યા  
એ લાખ નહિ પણ રાખ છે, એ માનવું ભૂલશો નહી

સંતાનથી સેવા ચહો, સંતાન છો સેવા કરો  
જેવું કરો તેવું ભરો, એ ભાવના ભૂલશો નહી

ભીને સૂઈ પોતે અને સૂકે સૂવાડ્યા આપને  
એની અમીમય આંખને, ભૂલીને ભીંજવશો નહી

પુષ્પો બિછાવ્યાં પ્રેમથી, જેણે તમારા રાહ પર  
એ રાહબરના રાહ પર, કંટક કદી બનશો નહી

ધન ખરચતાં મળશે બધું, માતાપિતા મળશે નહી  
એનાં પુનિત ચરણો તણી, કદી ચાહના ભૂલશો નહી.

* * *

# Bhulo Bhale Bijun Badhun Maa Bapane Bhulasho Nahi

Bhulo bhale bijun badhun, mabapane bhulasho nahi  
Aganit chhe upakar ena, eh visarasho nahi

Asahya vethi vedana, tyare dithun tam mukhadun  
E punit janan kalajan, paththar bani chhundasho nahi

Kadhi mukhethi kaliya, monma dai mot karya  
Amrut tan denar same, zer uchhalasho nahi

Lakho ladavya lad tamane, kod sahu pur karya  
E kodan puranarana, kod purav bhulasho nahi

Lakho kamat ho bhale, mabap jethi n ṭharya  
E lakh nahi pan rakh chhe, e manavun bhulasho nahi

Santanathi sev chaho, santan chho sev karo  
Jevun karo tevun bharo, e bhavan bhulasho nahi

Bhine sui pote ane suke suvadya apane  
Eni amimaya ankhane, bhuline bhinjavasho nahi

Pushpo bichhavyan premathi, jene tamar rah para  
E rahabaran rah para, kanṭak kadi banasho nahi

Dhan kharachatan malashe badhun, matapit malashe nahi  
Enan punit charano tani, kadi chahan bhulasho nahi.

[https://dl.gujarati.world/files/kirtan/Maa-Bapne-Bhulso-Nahi.mp3](https://dl.gujarati.world/files/kirtan/Maa-Bapne-Bhulso-Nahi.mp3)

[![](https://gujarati.world/uploads/default/original/1X/671e77ae6bfdbd91c971aa7279024121fe12e2fd.jpeg "Maa Bapne Bhulso Nahi I Devotional I Sachin Limaye I Latest Gujarati Song I Appu I Soor Mandir") ](https://www.youtube.com/watch?v=3TCznpLr66w)