લય વગર, શબ્દો વગર, મત્લા વગર
લય વગર, શબ્દો વગર, મત્લા વગર
હું ગઝલ લખતો રહ્યો સમજ્યા વગર
તેં તો તારો છાંયડો આપ્યો મને
હું જ ના જંપી શક્યો તડકા વગર
કેદ છું ભીંતો વગરના ઘરમા હું
સંત્રી પણ ઊભો છે દરવાજા વગર
સરહદો સૂની હશે તો ચાલશે
શ્હેરમાં ચાલે નહીં પહેરા વગર
મોરને કો’ બાજપક્ષી લઇ ગયું
સીમ સૂની થઇ ગઇ ટહુકા વગર
કોક દિ’ દીવો પવન સામે મૂકો
કોક દિ’ ચલાવી લો અજવાળા વગર
– ખલીલ ધનતેજવી
Lay Vagar, Shabdo Vagar, Matla Vagar
Laya vagara, shabdo vagara, matlā vagara
Hun gazal lakhato rahyo samajyā vagara
Ten to tāro chhānyaḍo āpyo mane
Hun j nā janpī shakyo taḍakā vagara
Ked chhun bhīnto vagaranā gharamā hun
Santrī paṇ ūbho chhe daravājā vagara
Sarahado sūnī hashe to chālashe
Shheramān chāle nahīn paherā vagara
Morane ko’ bājapakṣhī lai gayun
Sīm sūnī thai gai ṭahukā vagara
Kok di’ dīvo pavan sāme mūko
Kok di’ chalāvī lo ajavāḷā vagara
– Khalīl Dhanatejavī