# મરણ - Marana - Lyrics

**URL:** <https://gujarati.world/t/marana-lyrics/1016>\
**Category:** કાવ્ય રત્નમાળા\
**Created:** [April 9, 2023, 7:11pm UTC](https://gujarati.world/t/marana-lyrics/1016 "2023-04-09T19:11:04Z")\
**Posts on this page:** 1\
**Page:** 1

<div class="post-metadata">

**Author:** ![Divyesh92](https://gujarati.world/letter_avatar_proxy/v4/letter/d/c6cbf5/32.png) [@Divyesh92](https://gujarati.world/u/Divyesh92)\
**Post date:** [April 9, 2023, 7:11pm UTC](https://gujarati.world/t/marana-lyrics/1016/1 "2023-04-09T19:11:04Z")

</div>

# મરણ

(શાર્દૂલવિક્રિડીત-સોનૅટ)

શસ્ત્રો છેદી શકે કદી નવ, વળી બાળી ન વન્હિ શકે  
પાણી ના ભીંજવી શકે પ્રલયનો વાયુ ન શોષી શકે;  
નિત્ય સ્થાણુ અનન્ત નિશ્ચલ, ભલે ગીતા ભણે આત્મને  
તોયે અન્તરમાં સનાતન સૂરો ન સ્થિરતા એ ગ્રહે.

આત્મા શાશ્વત; તો પછી મરણ શું? ક્યાંથી પ્રવેશ્યું જગે  
કોણે એ ઉપજાવ્યું ને સ્વરૂપ શું? કેવી રીતે એ રહે!  
મૃત્યુને નથી મૃત્યુ શું? જગતને કો’ના નિયોગે ગ્રસે!  
પ્હેલાં શું જગતમાં હતું મરણની, એના પછી શું હશે?

મૃત્યુને અધિકાર શો જગતના સૌન્દર્ય સંહારવા?  
નિર્મી જે ન કંઈ શકે, કૃતિ કહાં તૈયાર તે ભાંગવા?  
એની જો અનિવાર્યતા જગતમાં તો કાં બધાં જન્મતાં?  
મૃત્યુ ના પરિહાર્ય તો જનમવું એથી શી મોટી પીડા!

કે જન્મ્યાં જ નથી ચરાચર બધાં તત્વો દિસે જે જગે  
કલ્પી લે અનુમાનથી મરણને અધ્યાસના કારણે!  
(૨૨-૧૨-૧૯૩૦)

-નલિન મણિશંકર ભટ્ટ

* * *

# Marana

(shardulavikridita-soneṭa)

Shastro chhedi shake kadi nava, vali bali n vanhi shake  
Pani n bhinjavi shake pralayano vayu n shoshi shake;  
Nitya sthanu ananṭa nishchala, bhale git bhane atmane  
Toye antaraman sanatan suro n sthirat e grahe.

Atma shashvata; to pachhi maran shun?  
Kyanthi praveshyun jage  
Kone e upajavyun ne swarup shun?  
Kevi rite e rahe! Mrutyune nathi mrutyu shun?  
Jagatane ko’n niyoge grase!  
Phelan shun jagataman hatun maranani, en pachhi shun hashe?

Mrutyune adhikar sho jagatan saundarya sanharava?  
Nirmi je n kani shake, kruti kahan taiyar te bhangava?  
Eni jo anivaryat jagataman to kan badhan janmatan?  
Mrutyu n pariharya to janamavun ethi shi moti pida!

Ke janmyan j nathi charachar badhan tatvo dise je jage  
Kalpi le anumanathi maranane adhyasan karane!  
(22-12-1930)

-nalin manishankar bhatṭa

Source: [Mavjibhai](https://kavyaratnamala.wordpress.com/2018/07/15/%e0%ab%a8%e0%ab%ac%e0%ab%a7/)