# પાર્થને કહો ચડાવે બાણ - Parthane Kaho Chadave Bana - Lyrics

**URL:** <https://gujarati.world/t/parthane-kaho-chadave-bana-lyrics/710>\
**Category:** કાવ્ય રત્નમાળા\
**Created:** [April 9, 2023, 7:10pm UTC](https://gujarati.world/t/parthane-kaho-chadave-bana-lyrics/710 "2023-04-09T19:10:20Z")\
**Posts on this page:** 1\
**Page:** 1

<div class="post-metadata">

**Author:** ![Divyesh92](https://gujarati.world/letter_avatar_proxy/v4/letter/d/c6cbf5/32.png) [@Divyesh92](https://gujarati.world/u/Divyesh92)\
**Post date:** [April 9, 2023, 7:10pm UTC](https://gujarati.world/t/parthane-kaho-chadave-bana-lyrics/710/1 "2023-04-09T19:10:20Z")

</div>

# પાર્થને કહો ચડાવે બાણ

પાર્થને કહો ચડાવે બાણ  
હવે તો યુદ્ધ એ જ કલ્યાણ

કહો કુંતાની છે એ આણ  
પાર્થને કહો ચડાવે બાણ

ભીખ્યાં ભટક્યાં વિષ્ટિ વિનવણી  
કીધાં સુજનનાં કર્મ  
આર્યસુજનતા દૈન્ય ગણી તો  
યુદ્ધ એ જ યુગધર્મ

સજીવન થાય પડ્યાયે પ્હાણ  
પાર્થને કહો ચડાવે બાણ

દ્રૌપદીની હજી વેણ છૂટી છે  
રાજસભાના બોલ  
રણનોતરાંના ઉત્તર દેજો  
રણધીરને રણઢોલ

પાર્થની પ્રત્યંચાને વાણ  
પાર્થને કહો ચડાવે બાણ

મેહુલો બોલે વાયુ હુંકારે  
ત્યમ તલપો સિંહબાળ  
યુગપલટાના પદપડછન્દે  
ગજવો ઘોર ત્રિકાળ

સજો શિર વીર હવે શિરત્રાણ  
પાર્થને કહો ચડાવે બાણ

નૃલોક જોશે કાળ નીરખશે  
રણરમતો મુજ વંશ  
સત શીલ ને ધર્મયજ્ઞમાં  
હજો વિશ્વવિધ્વંસ

ઊગે જો નભ નવયુગનો ભાણ  
પાર્થને કહો ચડાવે બાણ

વિધિનાં એ જ મહાનિર્માણ  
પાર્થને કહો ચડાવે બાણ

-મહાકવિ નાનાલાલ

* * *

# Parthane Kaho Chadave Bana

Parthane kaho chadave bana  
Have to yuddha e j kalyana

Kaho kuntani chhe e ana  
Parthane kaho chadave bana

Bhikhyan bhaṭakyan vishti vinavani  
Kidhan sujananan karma  
Aryasujanat dainya gani to  
Yuddha e j yugadharma

Sajivan thaya padyaye phana  
Parthane kaho chadave bana

Draupadini haji ven chhuti chhe  
Rajasabhan bola  
Rananotaranna uttar dejo  
Ranadhirane ranadhola

Parthani pratyanchane vana  
Parthane kaho chadave bana

Mehulo bole vayu hunkare  
Tyam talapo sinhabala  
Yugapalatan padapadachhande  
Gajavo ghor trikala

Sajo shir vir have shiratrana  
Parthane kaho chadave bana

Nrulok joshe kal nirakhashe  
Ranaramato muj vansha  
Sat shil ne dharmayagnaman  
Hajo vishvavidhvansa

Uge jo nabh navayugano bhana  
Parthane kaho chadave bana

Vidhinan e j mahanirmana  
Parthane kaho chadave bana

-mahakavi nanalala

Source: [Mavjibhai](https://kavyaratnamala.wordpress.com/2018/03/06/%e0%aa%aa%e0%aa%be%e0%aa%b0%e0%ab%8d%e0%aa%a5%e0%aa%a8%e0%ab%87-%e0%aa%95%e0%aa%b9%e0%ab%8b-%e0%aa%9a%e0%aa%a1%e0%aa%be%e0%aa%b5%e0%ab%87-%e0%aa%ac%e0%aa%be%e0%aa%a3/)