# સરવણની કથા - Saravaṇanī Kathā - Lyrics

**URL:** <https://gujarati.world/t/sarava-ani-katha-lyrics/354>\
**Category:** લોક ગીત (Lok-Geet)\
**Created:** [April 9, 2023, 7:09pm UTC](https://gujarati.world/t/sarava-ani-katha-lyrics/354 "2023-04-09T19:09:55Z")\
**Posts on this page:** 1\
**Page:** 1

<div class="post-metadata">

**Author:** ![Divyesh92](https://gujarati.world/letter_avatar_proxy/v4/letter/d/c6cbf5/32.png) [@Divyesh92](https://gujarati.world/u/Divyesh92)\
**Post date:** [April 9, 2023, 7:09pm UTC](https://gujarati.world/t/sarava-ani-katha-lyrics/354/1 "2023-04-09T19:09:55Z")

</div>

# સરવણની કથા

માછલી વિયાણી કાંઈ દરિયાને બેટ  
સરવણ રિયો એની માને પેટ

કાળી પછેડી ને ભમરિયાળી ભાત  
સરવણ જનમ્યો માઝમ રાત

અડીકડી વાવ ને નવઘણ કૂવો  
ત્યાં સરવણનો જનમ હુઓ

લાંબી પીપળ ટૂંકા પાન  
સરવણ ધાવે એની માને થાન

સાત વરસનો સરવણ થીયો  
લઈ પાટીને ભણવા ગીયો

ભણી ગણી બાજંદો થીયો ને  
સુખણી નારને પરણી ગીયો

સુખણી નાર મારાં વચન સુણો રે  
મારાં આંધળા માબાપની સેવા કરો

આંધળા માબાપને કૂવામાં નાખ  
મને મારે મહિયર વળાવ

મોર સરવણ ને વાંહે એની નાર  
સરવણ આવ્યો એના સસરાને દ્વાર

સસરાજી રે મારા વચન સુણો  
તમારી દીકરીને ઘરમાં પૂરો

રો’ રો’ જમાઈરાજ જમતા જાવ  
દીકરીના અવગણ કહેતા જાવ

ઈ અભાગણીનું મોં કોણ જુએ  
મારાં માબાપને નાખે કૂવે

ત્યાંથી તે સરવણ ચાલતો થયો  
ને સરવણ આવ્યો સુતારીને દ્વાર

ભાઈ રે સુતારી મારા વચન સુણો  
મારાં આંધળા માબાપની કાવડ ઘડો

કાવડ ઘડજો ઘાટ સઘાટ  
સોહ્યલાં બેસે મારા મા ને બાપ

ત્યાંથી સરવણ ચાલતો થયો  
ને સરવણ આવ્યો દરજીને દ્વાર

ભાઈ રે દરજીડાં મારાં વચન સુણો  
મારાં આંધળા માબાપના લૂગડાં સીવો

લૂગડાં સીવજો માપ સમાપ  
સોહ્યલાં પેરે મારાં મા ને બાપ

ત્યાંથી તે સરવણ ચાલતો થયો  
ને સરવણ આવ્યો મોચીડાંને દ્વાર

ભાઈ રે મોચીડાં મારાં વચન સુણો  
આંધળા માબાપની મોજડી સીવો

મોજડી સીવજો ઘાટ સઘાટ  
સોહ્યલી પેરે મારાં મા ને બાપ

ખભે કાવડ ને હાથમાં નીર  
સરવણ આવ્યો જમનાને તીર

નાહ્યાં જમનાનાં પાવન નીર  
ત્યાથી હાલ્યાં સરયુને તીર

ડગલે પગલે પંથ કપાય  
પણ ત્યાં માબાપ તરસ્યા થાય

દશરથ બેઠાં સરવર પાળ  
અંધારે હરણાંનો કરવા શિકાર

ભરીયા લોટા ખળભળ્યાં નીર  
ને સરવણ વીંધાયો પેલે જ તીર

મરતાં તે લીધાં રામનાં નામ  
દથરથ આવી ને ઊભા તે ઠામ

મરતાં મરતાં બોલતો ગીયો  
મારાં આંધળા માબાપને પાણી દીયો

દશરથ આવ્યા પાણી લઈ  
બોલ્યા માબાપની પાસે જઈ

માવતર તમે પાણી પીઓ  
સરવણ તો પેલે ગામ જ ગીયો

આંધળાની લાકડી તૂટી આજ  
સરવણ વિના કેમ રે જિવાય?

આંધળા માબાપે સાંભળી વાત  
દશરથ રાજાને દીધો શાપ

અમારો આજે જીવડો જાય  
તેવું તમ થજો દશરથ રાય

દશરથ રાજા ઘણાં પસ્તાય  
અંતે રામ વિયોગે જીવડો જાય

* * *

# Saravaṇanī Kathā

Māchhalī viyāṇī kānī dariyāne beṭ  
saravaṇ riyo enī māne peṭa

Kāḷī pachheḍī ne bhamariyāḷī bhāt  
saravaṇ janamyo māzam rāta

Aḍīkaḍī vāv ne navaghaṇ kūvo  
tyān saravaṇano janam huo

Lānbī pīpaḷ ṭūnkā pān  
saravaṇ dhāve enī māne thāna

Sāt varasano saravaṇ thīyo  
laī pāṭīne bhaṇavā gīyo

Bhaṇī gaṇī bājando thīyo ne  
sukhaṇī nārane paraṇī gīyo

Sukhaṇī nār mārān vachan suṇo re  
mārān āndhaḷā mābāpanī sevā karo

Āndhaḷā mābāpane kūvāmān nākh  
mane māre mahiyar vaḷāva

Mor saravaṇ ne vānhe enī nār  
saravaṇ āvyo enā sasarāne dvāra

Sasarājī re mārā vachan suṇo  
tamārī dīkarīne gharamān pūro

Ro’ ro’ jamāīrāj jamatā jāv  
dīkarīnā avagaṇ kahetā jāva

Ī abhāgaṇīnun mon koṇ jue  
mārān mābāpane nākhe kūve

Tyānthī te saravaṇ chālato thayo  
ne saravaṇ āvyo sutārīne dvāra

Bhāī re sutārī mārā vachan suṇo  
mārān āndhaḷā mābāpanī kāvaḍ ghaḍo

Kāvaḍ ghaḍajo ghāṭ saghāṭ  
sohyalān bese mārā mā ne bāpa

Tyānthī saravaṇ chālato thayo  
ne saravaṇ āvyo darajīne dvāra

Bhāī re darajīḍān mārān vachan suṇo  
mārān āndhaḷā mābāpanā lūgaḍān sīvo

Lūgaḍān sīvajo māp samāp  
sohyalān pere mārān mā ne bāpa

Tyānthī te saravaṇ chālato thayo  
ne saravaṇ āvyo mochīḍānne dvāra

Bhāī re mochīḍān mārān vachan suṇo  
āndhaḷā mābāpanī mojaḍī sīvo

Mojaḍī sīvajo ghāṭ saghāṭ  
sohyalī pere mārān mā ne bāpa

Khabhe kāvaḍ ne hāthamān nīr  
saravaṇ āvyo jamanāne tīra

Nāhyān jamanānān pāvan nīr  
tyāthī hālyān sarayune tīra

Ḍagale pagale pantha kapāya  
paṇ tyān mābāp tarasyā thāya

Dasharath beṭhān saravar pāḷ  
andhāre haraṇānno karavā shikāra

Bharīyā loṭā khaḷabhaḷyān nīr  
ne saravaṇ vīndhāyo pele j tīra

Maratān te līdhān rāmanān nām  
datharath āvī ne ūbhā te ṭhāma

Maratān maratān bolato gīyo  
mārān āndhaḷā mābāpane pāṇī dīyo

Dasharath āvyā pāṇī laī  
bolyā mābāpanī pāse jaī

Māvatar tame pāṇī pīo  
saravaṇ to pele gām j gīyo

Āndhaḷānī lākaḍī tūṭī āj  
saravaṇ vinā kem re jivāya?

Āndhaḷā mābāpe sānbhaḷī vāt  
dasharath rājāne dīdho shāpa

Amāro āje jīvaḍo jāya  
tevun tam thajo dasharath rāya

Dasharath rājā ghaṇān pastāya  
ante rām viyoge jīvaḍo jāya

[https://dl.gujarati.world/files/geet-sangeet/Saravan\_Ni\_Katha-Deena\_Gandharva&Hemu\_Gadhavi.mp3](https://dl.gujarati.world/files/geet-sangeet/Saravan_Ni_Katha-Deena_Gandharva&Hemu_Gadhavi.mp3)

Source: [Mavjibhai](https://mavjibhai275501472.wordpress.com/2019/03/12/%e0%ab%a6%e0%ab%ac%e0%ab%a8/)
