અકારણે આજ મારું મન
અકારણે આજ મારું મન ઘેલું ઘેલું થાય!
મૂંગું રહેવા જેમ મનાવું તેમ એ વ્હેલું ગાય!
મારે અધરે સ્મિત ફૂટે
તો ઝાકળ થૈને છાય,
નેનમાંથી જો નીર છૂટે
તો હસી હસી ન્હાય;
વણજોયાને વ્હાલ કરે ને નિજનાને ના ચ્હાય!
અકારણે આજ મારું મન ઘેલું ઘેલું થાય!
લોકની માયા શીય કીધી
તે નિજમાંયે ના માય,
કોકની છાયા જોઈ લીધી
કે ચરણ ચૂમવા જાય;
ક્યારેય જે ન નોતરે એને ઘેર એ પ્હેલું જાય!
અકારણે આજ મારું મન ઘેલું ઘેલું થાય!
(૧૯૪૮)
-નિરંજન ભગત
Akarane Aj Marun Mana
Akarane aj marun man ghelun ghelun thaya!
Mungun rahev jem manavun tem e vhelun gaya!
Mare adhare smit fute
to zakal thaine chhaya,
Nenamanthi jo nir chhute
to hasi hasi nhaya;
Vanajoyane vhal kare ne nijanane n chhaya!
Akarane aj marun man ghelun ghelun thaya!
Lokani maya shiya kidhi
te nijamanye n maya,
Kokani chhaya joi lidhi
ke charan chumav jaya;
Kyareya je n notare ene gher e phelun jaya!
Akarane aj marun man ghelun ghelun thaya!
(1948)
-niranjan bhagata
Source: Mavjibhai