અમર હમણાં જ સૂતો છે
પવન, ફરકે તો એ રીતે ફરકજે, પાન ના ખખડે!
કોઈને સ્વપ્નમાં માગી, અમર હમણાં જ સૂતો છે.
દવા તો શું હવે સંજીવની પણ કામ નહિ આપે,
જીવનના ભેદને પામી, અમર હમણાં જ સૂતો છે.
મિલન-દૃશ્યો હવે તડપી રહ્યાં છે કરવટો લઈને,
વિરહના રંગમાં રાચી, અમર હમણાં જ સૂતો છે.
ગગન પ્રગટાવ તુજ દીવડા, નહીં લાગે હવે ઝાંખા,
નયનનાં દીપને ઠારી, અમર હમણાં જ સૂતો છે.
ગગનનાં આંસુઓ માયાં નહીં ધરતીના પાલવમાં,
પ્રભાતે જ્યાં ખબર આવી અમર હમણાં જ સૂતો છે.
અમર જીવન છે એવું કે જીવન ઓવારણાં લે છે,
મરણના માનને રાખી, અમર હમણાં જ સૂતો છે.
કહ્યું શત્રુઓએ મિત્રોને, કરો ઉત્સવની તૈયારી,
રહી ના જાય કાંઈ ખામી, અમર હમણાં જ સૂતો છે.
ગયો એ હાથથી છટકી, હવે શું બાંધશે દુનિયા!
બધાંયે બંધનો ત્યાગી, અમર હમણાં જ સૂતો છે.
ન જાગે એ રીતે ઊંચકી ને એને લઈ જજે, દુનિયા!
સમયની કૂચમાં થાકી, અમર હમણાં જ સૂતો છે.
ન જાએ કોઈ ખાલી હાથ મારા આંગણે આવી,
અમર એથી મરણ આવ્યું, તો બસ મરવું પડ્યું મારે.
-અમર પાલનપુરી
Amar Hamanan J Suto Chhe
Pavana, farake to e rite farakaje, pan n khakhade! Koine swapnaman magi, amar hamanan j suto chhe.
Dav to shun have sanjivani pan kam nahi ape,
Jivanan bhedane pami, amar hamanan j suto chhe.
Milana-drushyo have tadapi rahyan chhe karavato laine,
Virahan rangaman rachi, amar hamanan j suto chhe.
Gagan pragatav tuj divada, nahin lage have zankha,
Nayananan dipane thari, amar hamanan j suto chhe.
Gagananan ansuo mayan nahin dharatin palavaman,
Prabhate jyan khabar avi amar hamanan j suto chhe.
Amar jivan chhe evun ke jivan ovaranan le chhe,
Maranan manane rakhi, amar hamanan j suto chhe.
Kahyun shatruoe mitrone, karo utsavani taiyari,
Rahi n jaya kani khami, amar hamanan j suto chhe.
Gayo e hathathi chhaṭaki, have shun bandhashe duniya! Badhanye bandhano tyagi, amar hamanan j suto chhe.
N jage e rite unchaki ne ene lai jaje, duniya! Samayani kuchaman thaki, amar hamanan j suto chhe.
N jae koi khali hath mar angane avi,
Amar ethi maran avyun, to bas maravun padyun mare.
-Amar Palanapuri