અમે આંધી વચ્ચે તણખલાંના માણસ
અમે આંધી વચ્ચે તણખલાંના માણસ;
પીળા શ્વાસની તુચ્છ ઘટનાના માણસ.
ફટાણાંના માણસ, મરસિયાના માણસ;
અમે વારસાગત સમસ્યાના માણસ.
‘કદી’થી ‘સદી’ની અનિદ્રાના માણસ;
પ્રભાતોની શાશ્વત પ્રતીક્ષાના માણસ.
અમે અમને મળવાને ઝૂરતા જ રહીએ;
સડકવન્ત ઝિબ્રાતા ટોળાના માણસ.
શિખર? ખીણ? ધુમ્મસ? સૂરજ? કે કશું નૈં?
‘ટુ બી - નૉટ ટુ બી’ ની ‘હા-ના’ ના માણસ.
ભરત કોઈ ગૂંથતું રહે મોરલાનું;
અમે ટચ્ચ ટૂંપાતા ટહુકાના માણસ.
મળી આજીવન કેદ ધ્રુવના પ્રદેશે;
હતા આપણે મૂળ તડકાના માણસ
अमे आंधी वच्चे तणखलांना माणस
अमे आंधी वच्चे तणखलांना माणस;
पीळा श्वासनी तुच्छ घटनाना माणस.
फटाणांना माणस, मरसियाना माणस;
अमे वारसागत समस्याना माणस.
‘कदी’थी ‘सदी’नी अनिद्राना माणस;
प्रभातोनी शाश्वत प्रतीक्षाना माणस.
अमे अमने मळवाने झूरता ज रहीए;
सडकवन्त झिब्राता टोळाना माणस.
शिखर? खीण? धुम्मस? सूरज? के कशुं नैं?
‘टु बी - नॉट टु बी’ नी ‘हा-ना’ ना माणस.
भरत कोई गूंथतुं रहे मोरलानुं;
अमे टच्च टूंपाता टहुकाना माणस.
मळी आजीवन केद ध्रुवना प्रदेशे;
हता आपणे मूळ तडकाना माणस
Ame Andhi Vachche Tanakhalanna Manasa
Ame andhi vachche tanakhalanna manasa;
Pila shvasani tuchchh ghatanana manasa.
Fatananna manasa, marasiyana manasa;
Ame varasagat samasyana manasa.
'kadi’thi 'sadi’ni anidrana manasa;
Prabhatoni shashvat pratikshana manasa.
Ame amane malavane zurata j rahie;
Sadakavanta zibrata tolana manasa.
Shikhara? Khina? Dhummasa? Suraja? Ke kashun nain?
‘tu bi - not tu bi’ ni ‘ha-na’ na manasa.
Bharat koi gunthatun rahe moralanun;
Ame tachch tunpata tahukana manasa.
Mali ajivan ked dhruvana pradeshe;
Hata apane mul tadakana manasa
Ame āndhī vachche taṇakhalānnā māṇasa
Ame āndhī vachche taṇakhalānnā māṇasa;
Pīḷā shvāsanī tuchchh ghaṭanānā māṇasa.
Faṭāṇānnā māṇasa, marasiyānā māṇasa;
Ame vārasāgat samasyānā māṇasa.
‘kadī’thī ‘sadī’nī anidrānā māṇasa;
Prabhātonī shāshvat pratīkṣhānā māṇasa.
Ame amane maḷavāne zūratā j rahīe;
Saḍakavanta zibrātā ṭoḷānā māṇasa.
Shikhara? Khīṇa? Dhummasa? Sūraja? Ke kashun nain?
‘ṭu bī - nŏṭ ṭu bī’ nī ‘hā-nā’ nā māṇasa.
Bharat koī gūnthatun rahe moralānun;
Ame ṭachch ṭūnpātā ṭahukānā māṇasa.
Maḷī ājīvan ked dhruvanā pradeshe;
Hatā āpaṇe mūḷ taḍakānā māṇasa
Source : ભગવતીકુમાર શર્મા