બાકસ નામે ધરમ / હટાણા જુદા કર્યા
બાકસ નામે ધરમ
બાકસ નામે ધરમ ધરમમાં દીવાસળીનાં ટોળાં જી
એક જ પળમાં ઝડપી લીધાં કૈંક કબૂતર ભોળાં જી
પીંછાં બાળ્યાં પાંખો બાળી બાળી એની ચાંચો જી
પછી કહ્યું લ્યો ભડકે બળતા ચહેરાઓને વાંચો જી
બાકસજી ઉપદેશ કરે ને આપે સૌને અગ્નિ જી
ફૂલેફાલે ધરમ આપણો એ જ અમારી લગની જી
નાતજાતનો ભેદ નથી આ ધરમ એટલો સારો જી
એક વાત ને એક આચરણ પકડો કાપો મારો જી
વાત સાંભળી ગલી ગલીથી ઊમટી આવ્યા ચેલા જી
ત્યારે અમને ખબર પડી કે હતા કેટલા ઘેલા જી
ઘણો કઠિન આ ધર્મ હતો ને હોંશે હોંશે પાળ્યો જી
વ્યર્થ બધી એ વાતો છે ભૈ કોણે કોને બાળ્યો જી
દીવાસળીનાં ટોળેટોળાં ફરી વળ્યાં ચિક્કાર જી
બાકસ નામે ધરમ ધરમનો થઈ ગ્યો જયજયકાર જી
-કૃષ્ણ દવે
હટાણા જુદા કર્યા
હાટો જુદી કરી ને હટાણા જુદા કર્યા
એકેક વીણી વીણી ઘરાણાં જુદા કર્યા
જોવાનું દૃશ્ય જ્યારે વહેંચી શક્યા નહીં
ત્યારે બધાયે ભીંતમાં કાણાં જુદા કર્યા
જીવતર પછેડી જેને બધા ઓઢતા હતા
તેના બધાયે તાણા ને વાણા જુદા કર્યા
ભેગા મળીને જેના ઉપર ઘર ચણ્યું હતું
પાયાઓ ખોદી ખોદી તે પાણા જુદા કર્યા
અવકાશમાં ધૂમાડો બધે એક થઈ રહ્યો
ધરતી પર ભલે તમે છાણાં જુદા કર્યા
ખેતરમાં સહુએ સાથે મળીને ખેડ તો કરી
જ્યારે ફસલ લણાઈ તો દાણાં જુદા કર્યા
ભૂખ્યાંજનોને પારણાં કરવાને નોતરી
મોઢાંઓ જોઈ જોઈને ભાણાં જુદા કર્યા
બે આંખનીય કોઈને નડતી નથી શરમ
પાડોશીઓ જે જોઈ લજાણા જુદા કર્યા
કોઈએ ગદ્ય ગીત અને કોઈએ ગઝલ
આદિલ બધાયે પોતાના ગાણાં જુદા કર્યા
-આદિલ મન્સૂરી
Bakas Name Dharam / Hatan Jud Karya
Bakas name dharama
Bakas name dharam dharamaman divasalinan tolan ji
Ek j palaman zadapi lidhan kainka kabutar bholan ji
Pinchhan balyan pankho bali bali eni chancho ji
Pachhi kahyun lyo bhadake balat chaheraone vancho ji
Bakasaji upadesh kare ne ape saune agni ji
Fulefale dharam apano e j amari lagani ji
Natajatano bhed nathi a dharam eṭalo saro ji
Ek vat ne ek acharan pakado kapo maro ji
Vat sanbhali gali galithi umati avya chel ji
Tyare amane khabar padi ke hat keṭal ghel ji
Ghano kathin a dharma hato ne honshe honshe palyo ji
Vyartha badhi e vato chhe bhai kone kone balyo ji
Divasalinan toletolan fari valyan chikkar ji
Bakas name dharam dharamano thai gyo jayajayakar ji
-krushna dave
Hatan jud karya
Hato judi kari ne hatan jud karya
Ekek vini vini gharanan jud karya
Jovanun drushya jyare vahenchi shakya nahin
Tyare badhaye bhintaman kanan jud karya
Jivatar pachhedi jene badh odhat hata
Ten badhaye tan ne van jud karya
Bheg maline jen upar ghar chanyun hatun
Payao khodi khodi te pan jud karya
Avakashaman dhumado badhe ek thai rahyo
Dharati par bhale tame chhanan jud karya
Khetaraman sahue sathe maline khed to kari
Jyare fasal lanai to danan jud karya
Bhukhyanjanone paranan karavane notari
Modhano joi joine bhanan jud karya
Be ankhaniya koine nadati nathi sharama
Padoshio je joi lajan jud karya
Koie gadya git ane koie gazala
Adil badhaye potan ganan jud karya
-adil mansuri
Source: Mavjibhai