ભીંત મૂંગી રહી
આંગણું બડબડ્યું ડેલી બોલી પડી ભીંત મૂંગી રહી
ઘર વિશે અવનવી વાત સહુએ કરી ભીંત મૂંગી રહી
આભમાં ઊડતી બારીઓ પથ્થરે કાં જડાઈ ગઈ?
વાત એ પૂછનારેય પૂછી ઘણી ભીંત મૂંગી રહી
‘આવજો કહેવું શું પથ્થરોને ?’ ગણી કોઈએ ના કહ્યું
આંખ માંડી જનારાને જોતી રહી ભીંત મૂંગી રહી
ઘર તજી કોઈ ચાલ્યું ગયું એ પછી બારીએ બેસીને
માથું ઢાળી હવા આખી રાત રડી ભીંત મૂંગી રહી
કાળના ભેજમાં ઓગળી ઓગળી એ ખવાતી રહી
કોઈએ એ વિષે કો’દિ પૂછ્યું નહીં ભીંત મૂંગી રહી
-મનોજ ખંડેરિયા
Bhinṭa Mungi Rahi
Anganun badabadyun deli boli padi bhinṭa mungi rahi
Ghar vishe avanavi vat sahue kari bhinṭa mungi rahi
Abhaman udati bario paththare kan jadai gai?
Vat e puchhanareya puchhi ghani bhinṭa mungi rahi
‘avajo kahevun shun paththarone ?’ gani koie n kahyun
Ankha mandi janarane joti rahi bhinṭa mungi rahi
Ghar taji koi chalyun gayun e pachhi barie besine
Mathun dhali hav akhi rat radi bhinṭa mungi rahi
Kalan bhejaman ogali ogali e khavati rahi
Koie e vishe ko’di puchhyun nahin bhinṭa mungi rahi
-Manoj Khanderiya