એક રજકણ સૂરજ થવાને શમણે
એક રજકણ સૂરજ થવાને શમણે ઉગમણે જઈ ઊડે
પલકમાં ઢળી પડે આથમણે
જળને તપ્ત નજરથી શોષી ચહી રહે ઘન રચવા
ઝંખે કોઈ દિન બિંબ બનીને સાગરને મન વસવા
વમળ મહીં ચકરાઈ રહે એ કોઈ અકળ મૂંઝવણે
એક રજકણ સૂરજ થવાને શમણે
જ્યોત કને જઈ જાચી દીપ્તિ જ્વાળા કને જઈ લ્હાય
ગતિ જાચી ઝંઝાનિલથી એ રૂપ ગગનથી ચ્હાય
ચકિત થઈ સૌ ઝાંખે એને ટળવળતી નિજ ચરણે
એક રજકણ સૂરજ થવાને શમણે
-હરીન્દ્ર દવે
Ek Rajakan Suraj Thavane Shamane
Ek rajakan suraj thavane shamane ugamane jai ude
Palakaman dhali pade athamane
Jalane tapṭa najarathi shoshi chahi rahe ghan rachava
Zankhe koi din binba banine sagarane man vasava
Vamal mahin chakarai rahe e koi akal munzavane
Ek rajakan suraj thavane shamane
Jyot kane jai jachi dipti jval kane jai lhaya
Gati jachi zanzanilathi e rup gaganathi chhaya
Chakit thai sau zankhe ene ṭalavalati nij charane
Ek rajakan suraj thavane shamane
-Harindra Dave
Source: Mavjibhai