એક ઊંચો તે વર ના જોશો
(સાંજીનું ગીત)
એક તે રાજને દ્વારે રમંતા બેનીબા
દાદે તે હસીને બોલાવિયાં
કાં કાં રે દીકરી તમારી દેહ જ દુબળી
આંખલડી રે જળે તે ભરી
નથી નથી દાદા મારી દેહ જ દુબળી
નથી રે આંખલડી જળે ભરી
એક ઊંચો તે વર ના જોશો રે દાદા
ઊંચો તો નિત્ય નેવાં ભાંગશે
એક નીચો તે વર ના જોશો રે દાદા
નીચો તો નિત્ય ઠેબે આવશે
એક ધોળો તે વર ના જોશો રે દાદા
ધોળો તે આપ વખાણશે
એક કાળો તે વર ના જોશો રે દાદા
કાળો તે કુટુમ્બ લજાવશે
એક કેડે પાતળિયો ને મુખે રે શામળિયો
તે મારી સૈયરે વખાણિયો
એક પાણી ભરતી તે પાણીઆરીએ વખાણ્યો
ભલો તે વખાણ્યો મારી ભાભીએ
Ek Uncho Te Var Nā Josho
(sānjīnun gīta)
Ek te rājane dvāre ramantā benībā
Dāde te hasīne bolāviyān
Kān kān re dīkarī tamārī deh j dubaḷī
Ānkhalaḍī re jaḷe te bharī
Nathī nathī dādā mārī deh j dubaḷī
Nathī re ānkhalaḍī jaḷe bharī
Ek ūncho te var nā josho re dādā
Ūncho to nitya nevān bhāngashe
Ek nīcho te var nā josho re dādā
Nīcho to nitya ṭhebe āvashe
Ek dhoḷo te var nā josho re dādā
Dhoḷo te āp vakhāṇashe
Ek kāḷo te var nā josho re dādā
Kāḷo te kuṭumba lajāvashe
Ek keḍe pātaḷiyo ne mukhe re shāmaḷiyo
Te mārī saiyare vakhāṇiyo
Ek pāṇī bharatī te pāṇīārīe vakhāṇyo
Bhalo te vakhāṇyo mārī bhābhīe
Source: Mavjibhai