પરથમ ગણેશ બેસાડો રે મારા ગણેશ દુંદાળા
ગણેશ દુંદાળા ને મોટી ફાંદાળા
ગણેશજી વરદાન દેજો રે મારા ગણેશ દુંદાળા
કૃષ્ણની જાને રૂડાં ઘોડલા શણગારો
ઘોડલે પિત્તળિયાં પલાણ રે મારા ગણેશ દુંદાળા
કૃષ્ણની જાને રૂડાં હાથીડા શણગારો
હાથીડે લાલ અંબાડી રે મારા ગણેશ દુંદાળા
કૃષ્ણની જાને રૂડાં જાનીડાં શણગારો
જાનડી લાલ ગુલાલ રે મારા ગણેશ દુંદાળા
કૃષ્ણની જાને રૂડાં ધોરીડાં શણગારો
ધોરીડે બબ્બે રાશું રે મારા ગણેશ દુંદાળા
કૃષ્ણની જાને રૂડી વેલડિયું શણગારો
વેલડિયે દશ આંટા રે મારા ગણેશ દુંદાળા
વાવલિયા વાવ્યાં ને મેહુલા ધડૂક્યાં
રણ રે વગડામાં રથ થંભ્યા રે મારા ગણેશ દુંદાળા
તૂટ્યાં તળાવ ને તૂટી પીંજણિયું
ધોરીડે તૂટી બેવડ રાશું રે મારા ગણેશ દુંદાળા
ઊઠો ગણેશ ને ઊઠો પરમેશ્વર
તમે આવ્યે રંગ રે’શે રે મારા ગણેશ દુંદાળા
અમે રે દુંદાળા ને અમે રે ફાંદાળા
અમ આવ્યે તમે લાજો રે મારા ગણેશ દુંદાળા
અમારે જોશે સવા મણનો રે લાડુ
અમે આવ્યે વેવાઈ ભડકે રે મારા ગણેશ દુંદાળા
વીવા, અઘરણી ને જગવને જનોઈ
પરથમ ગણેશ બેસાડું રે મારા ગણેશ દુંદાળા
Paratham gaṇesh besāḍo re mārā gaṇesh dundāḷā
Gaṇesh dundāḷā ne moṭī fāndāḷā
Gaṇeshajī varadān dejo re mārā gaṇesh dundāḷā
Kṛuṣhṇanī jāne rūḍān ghoḍalā shaṇagāro
Ghoḍale pittaḷiyān palāṇ re mārā gaṇesh dundāḷā
Kṛuṣhṇanī jāne rūḍān hāthīḍā shaṇagāro
Hāthīḍe lāl anbāḍī re mārā gaṇesh dundāḷā
Kṛuṣhṇanī jāne rūḍān jānīḍān shaṇagāro
Jānaḍī lāl gulāl re mārā gaṇesh dundāḷā
Kṛuṣhṇanī jāne rūḍān dhorīḍān shaṇagāro
Dhorīḍe babbe rāshun re mārā gaṇesh dundāḷā
Kṛuṣhṇanī jāne rūḍī velaḍiyun shaṇagāro
Velaḍiye dash ānṭā re mārā gaṇesh dundāḷā
Vāvaliyā vāvyān ne mehulā dhaḍūkyān
Raṇ re vagaḍāmān rath thanbhyā re mārā gaṇesh dundāḷā
Tūṭyān taḷāv ne tūṭī pīnjaṇiyun
Dhorīḍe tūṭī bevaḍ rāshun re mārā gaṇesh dundāḷā
Ūṭho gaṇesh ne ūṭho parameshvara
Tame āvye ranga re’she re mārā gaṇesh dundāḷā
Ame re dundāḷā ne ame re fāndāḷā
Am āvye tame lājo re mārā gaṇesh dundāḷā
Amāre joshe savā maṇano re lāḍu
Ame āvye vevāī bhaḍake re mārā gaṇesh dundāḷā
Vīvā, agharaṇī ne jagavane janoī
Paratham gaṇesh besāḍun re mārā gaṇesh dundāḷā