હજારો વર્ષની જૂની અમારી વેદના
હજારો વર્ષની જૂની અમારી વેદના;
કલેજાં ચીરતી કંપાવતી અમ ભયકથા;
મરેલાંનાં રુધિર ને જીવતાંનાં આંસુડાં;
સમર્પણ એ સહુ તારે કદમ, પ્યારા પ્રભુ!
અમારા યજ્ઞનો છેલ્લો બલિ: આમીન કે’જે!
ગુમાવેલી અમે સ્વાધીનતા તું ફરી દેજે!
વધારે મૂલ લેવાં હોય તોયે માગી લેજે!
અમારા આખરી સંગ્રામમાં સાથે જ રે’જે!
પ્રભુજી! પેખજો આ છે અમારું યુદ્ધ છેલ્લું,
બતાવો હોય જો કારણ અમારું લેશ મેલું -
અમારાં આંસુડાં ને લોહીની ધારે ધુએલું!
દુવા માગી રહ્યું, જો, સૈન્ય અમ તત્પર ઊભેલું!
નથી જાણ્યું અમારે પંથ શી આફત ખડી છે,
ખબર છે આટલી કે માતની હાકલ પડી છે;
જીવે મા માવડી એ કાજ મરવાની ઘડી છે:
ફિકર શી જ્યાં લગી તારી અમો પર આંખડી છે?
જુઓ આ, તાત! ખુલ્લાં મૂકિયાં અંતર અમારાં,
જુઓ, હર જખ્મથી ઝરતી હજારો રક્તધારા,
જુઓ, છાના જલે અન્યાયના અગ્નિ-ધખારા:
સમર્પણ હો, સમર્પણ હો તને એ સર્વ, પ્યારા!
ભલે હો રાત કાળી - આપ દીવો લૈ ઊભા જો!
ભલે રણમાં પથારી-આપ છેલ્લાં નીર પાજો!
લડન્તાને મહા રણખંજરીના ઘોષ ગાજો!
મરન્તાને મધુરી બંસરીના સૂર વાજો!
તૂટે છે આભ ઊંચા આપણા આશામિનારા,
હજારો ભય તણી ભૂતાવળો કરતી હુંકારા,
સમર્પણની છતાં વહેશે સદા અણખૂટ ધારા.
મળે નવ માવડીને જ્યાં લગી મુક્તિ-કિનારા.
हजारो वर्षनी जूनी अमारी वेदना
हजारो वर्षनी जूनी अमारी वेदना;
कलेजां चीरती कंपावती अम भयकथा;
मरेलांनां रुधिर ने जीवतांनां आंसुडां;
समर्पण ए सहु तारे कदम, प्यारा प्रभु!
अमारा यज्ञनो छेल्लो बलि: आमीन के’जे!
गुमावेली अमे स्वाधीनता तुं फरी देजे!
वधारे मूल लेवां होय तोये मागी लेजे!
अमारा आखरी संग्राममां साथे ज रे’जे!
प्रभुजी! पेखजो आ छे अमारुं युद्ध छेल्लुं,
बतावो होय जो कारण अमारुं लेश मेलुं -
अमारां आंसुडां ने लोहीनी धारे धुएलुं!
दुवा मागी रह्युं, जो, सैन्य अम तत्पर ऊभेलुं!
नथी जाण्युं अमारे पंथ शी आफत खडी छे,
खबर छे आटली के मातनी हाकल पडी छे;
जीवे मा मावडी ए काज मरवानी घडी छे:
फिकर शी ज्यां लगी तारी अमो पर आंखडी छे?
जुओ आ, तात! खुल्लां मूकियां अंतर अमारां,
जुओ, हर जख्मथी झरती हजारो रक्तधारा,
जुओ, छाना जले अन्यायना अग्नि-धखारा:
समर्पण हो, समर्पण हो तने ए सर्व, प्यारा!
भले हो रात काळी - आप दीवो लै ऊभा जो!
भले रणमां पथारी-आप छेल्लां नीर पाजो!
लडन्ताने महा रणखंजरीना घोष गाजो!
मरन्ताने मधुरी बंसरीना सूर वाजो!
तूटे छे आभ ऊंचा आपणा आशामिनारा,
हजारो भय तणी भूतावळो करती हुंकारा,
समर्पणनी छतां वहेशे सदा अणखूट धारा.
मळे नव मावडीने ज्यां लगी मुक्ति-किनारा.
Hajaro Varshani Juni Amari Vedana
Hajaro varshani juni amari vedana;
Kalejan chirati kanpavati am bhayakatha;
Marelannan rudhir ne jivatannan ansudan;
Samarpan e sahu tare kadama, pyara prabhu!
Amara yagnano chhello bali: amin ke’je! Gumaveli ame swadhinata tun fari deje! Vadhare mul levan hoya toye magi leje! Amara akhari sangramaman sathe j re’je!
Prabhuji! Pekhajo a chhe amarun yudda chhellun,
Batavo hoya jo karan amarun lesh melun -
Amaran ansudan ne lohini dhare dhuelun! Duva magi rahyun, jo, sainya am tatpar ubhelun!
Nathi janyun amare panth shi afat khadi chhe,
Khabar chhe atali ke matani hakal padi chhe;
Jive ma mavadi e kaj maravani ghadi chhe:
Fikar shi jyan lagi tari amo par ankhadi chhe?
Juo a, tata! Khullan mukiyan antar amaran,
Juo, har jakhmathi zarati hajaro raktadhara,
Juo, chhana jale anyayana agni-dhakhara:
Samarpan ho, samarpan ho tane e sarva, pyara!
Bhale ho rat kali - ap divo lai ubha jo! Bhale ranaman pathari-ap chhellan nir pajo! Ladantane maha ranakhanjarina ghosh gajo! Marantane madhuri bansarina sur vajo!
Tute chhe abh uncha apana ashaminara,
Hajaro bhaya tani bhutavalo karati hunkara,
Samarpanani chhatan vaheshe sada anakhut dhara. Male nav mavadine jyan lagi mukti-kinara.
Hajāro varṣhanī jūnī amārī vedanā
Hajāro varṣhanī jūnī amārī vedanā;
Kalejān chīratī kanpāvatī am bhayakathā;
Marelānnān rudhir ne jīvatānnān ānsuḍān;
Samarpaṇ e sahu tāre kadama, pyārā prabhu!
Amārā yagnano chhello bali: āmīn ke’je! Gumāvelī ame swādhīnatā tun farī deje! Vadhāre mūl levān hoya toye māgī leje! Amārā ākharī sangrāmamān sāthe j re’je!
Prabhujī! Pekhajo ā chhe amārun yudḍa chhellun,
Batāvo hoya jo kāraṇ amārun lesh melun -
Amārān ānsuḍān ne lohīnī dhāre dhuelun! Duvā māgī rahyun, jo, sainya am tatpar ūbhelun!
Nathī jāṇyun amāre panth shī āfat khaḍī chhe,
Khabar chhe āṭalī ke mātanī hākal paḍī chhe;
Jīve mā māvaḍī e kāj maravānī ghaḍī chhe:
Fikar shī jyān lagī tārī amo par ānkhaḍī chhe?
Juo ā, tāta! Khullān mūkiyān antar amārān,
Juo, har jakhmathī zaratī hajāro raktadhārā,
Juo, chhānā jale anyāyanā agni-dhakhārā:
Samarpaṇ ho, samarpaṇ ho tane e sarva, pyārā!
Bhale ho rāt kāḷī - āp dīvo lai ūbhā jo! Bhale raṇamān pathārī-āp chhellān nīr pājo! Laḍantāne mahā raṇakhanjarīnā ghoṣh gājo! Marantāne madhurī bansarīnā sūr vājo!
Tūṭe chhe ābh ūnchā āpaṇā āshāminārā,
Hajāro bhaya taṇī bhūtāvaḷo karatī hunkārā,
Samarpaṇanī chhatān vaheshe sadā aṇakhūṭ dhārā. Maḷe nav māvaḍīne jyān lagī mukti-kinārā.
Source : ઝવેરચંદ મેઘાણી