હું ગુલામ?
હું ગુલામ?
સૃષ્ટિ–બાગનું અતૂલ ફૂલ માનવી ગુલામ?
સ્વચ્છંદ પંખી ઊડતાં, સ્વતંત્ર પુષ્પ ખીલતાં
હલાવતાં સુડાળ ઝાડ, ના કહેતું કોઈ ના;
સરે સરિત નિર્મળા, નિરંકુશે ઝરે ઝરા;
વહે સુમંદ નર્તનો, ન કોઈ હાથ દેતું ત્યાં;
સિંધુ ઘૂઘવે કરાળ. ઊછળે તરંગમાળ,
ગાન કોઈ રોકતું ન, નિત્ય ગીત ગાજતા;
સ્વતંત્ર પ્રકૃતિ તમામ,
એક માનવી જ કાં ગુલામ?!
-ઉમાશંકર જોશી
Hun Gulama?
Hun gulama?
srushti–baganun atul ful manavi gulama?
swachchhanda pankhi udatan, swatantra pushpa khilatan
halavatan sudal zada, n kahetun koi na;
sare sarit nirmala, nirankushe zare zara;
vahe sumanda nartano, n koi hath detun tyan;
sindhu ghughave karala. uchhale tarangamala,
gan koi rokatun na, nitya git gajata;
swatantra prakruti tamama,
ek manavi j kan gulama?!
-umashankar joshi
Source: Mavjibhai