કાગડાઓએ વાત માંડી પણ
કાગડાઓએ વાત માંડી પણ સુણનારાનાં સાંસાં
નીંદમાં હોલો ટાપસી પૂરે બગલો ખાય બગાસાં
ચકલીઓએ ચીડિયા કર્યાં રોષમાં બોલ્યો મોર
વાર છે હજી ઊંઘવા દો ને પાછલી રાતને પ્હોર
પારેવડાંએ ચાંચ મારી ને ખેંચી કિરણ દોર
હંસલાઓએ હાર ગૂંથ્યો ને તેડવા ચાલ્યા ભોર
મરઘો મુલ્લાં બાંગ પુકારે જાગજો રે સહુ લોક
બંદગી કરે બતક ઝૂકી કોયલ બોલે શ્લોક
તીડ કૂદી કરતાલ બજાવે ભમરો છેડે બીન
કંસારી મંજીર લઈને ભજનમાં તલ્લીન
રાત ગઈ જ્યાં મૃત્યુ જેવી સહુનાં જાગ્યાં મન
પ્રાણને પાછો દિન મળ્યો છે દુનિયાને જીવન
-નિનુ મઝુમદાર
Kagadaoe Vat Mandi Pana
Kagadaoe vat mandi pan sunanaranan sansan
Nindaman holo tapasi pure bagalo khaya bagasan
Chakalioe chidiya karyan roshaman bolyo mora
Var chhe haji unghav do ne pachhali ratane phora
Parevadane chancha mari ne khenchi kiran dora
Hansalaoe har gunthyo ne tedav chalya bhora
Maragho mullan banga pukare jagajo re sahu loka
Bandagi kare batak zuki koyal bole shloka
Tid kudi karatal bajave bhamaro chhede bina
Kansari manjir laine bhajanaman tallina
Rat gai jyan mrutyu jevi sahunan jagyan mana
Pranane pachho din malyo chhe duniyane jivana
-ninu mazumadara
Source: Mavjibhai