કાનુડો શું જાણે મારી પીડ?
બાઈ અમે બાળ કુંવારા રે.
કાનુડો શું જાણે…
જળ રે જમુનાના અમે ભરવાને ગ્યા’તા વાલા,
કાનુડે ઉડાડયા આછાં નીર, ઉડયા ફરરર રે.
કાનુડો શું જાણે…
વૃંદા રે વનમાં વા’લે રાસ રચ્યાં છે,
સોળસે ગોપીના તાણ્યા ચીર, ફાટ્યાં ચરરર રે.
કાનુડો શું જાણે…
જમુનાને કાંઠે વા’લો ગોધણ ચારે રે,
વાંસળી વગાડી ભાગ્ય ઢોર, ભાગ્યાં હરરર રે.
કાનુડો શું જાણે…
હું વરણાગી કાના તમારા રે નામની રે,
કાનુડે માર્યાં છે અમને તીર, વાગ્યાં અરરર રે.
કાનુડો શું જાણે…
બાઈ મીરાં કે પ્રભુ ગીરીધર નાગર,
કાનુડે બાળીને કીધા ખાક, રાખ ઉડી ખરરર રે.
કાનુડો શું જાણે…
Kānuḍo shun jāṇe mārī pīḍa? Bāī ame bāḷ kunvārā re. Kānuḍo shun jāṇe…
Jaḷ re jamunānā ame bharavāne gyā’tā vālā,
Kānuḍe uḍāḍayā āchhān nīra, uḍayā fararar re. Kānuḍo shun jāṇe…
Vṛundā re vanamān vā’le rās rachyān chhe,
Soḷase gopīnā tāṇyā chīra, fāṭyān chararar re. Kānuḍo shun jāṇe…
Jamunāne kānṭhe vā’lo godhaṇ chāre re,
Vānsaḷī vagāḍī bhāgya ḍhora, bhāgyān hararar re. Kānuḍo shun jāṇe…
Hun varaṇāgī kānā tamārā re nāmanī re,
Kānuḍe māryān chhe amane tīra, vāgyān ararar re. Kānuḍo shun jāṇe…
Bāī mīrān ke prabhu gīrīdhar nāgara,
Kānuḍe bāḷīne kīdhā khāka, rākh uḍī khararar re. Kānuḍo shun jāṇe…