મહોબતને માંડવે
પ્રથમ પ્રેમ ઊગ્યો ક્યાં
ઉરમાં કે આંખમાં
પોપટ પંડિતે પૂછ્યો પુરાણો સવાલ
ઉરમાં ઉગેલો તે
આંખમાંહી વાંચ્યો
કે આંખમાં ઉગાડી રોપ્યો ઉરને પાતાળ
આંખ અને ઉરનો અભેદભાવ લહે નહિ
અવળમતિ એકને બીજાનું ગણે સાલ
આંખ વિના ઉર શું
ઉર વિના આંખ શી
ઉર અને આંખ વિના માનવી કંગાલ
આંખ પ્રથમ ઉર કેરી
ઓથ માંહી ઊભીને
ઉર ઉરના સાંધે સંદેશવાહી તાર
આંખની અટારીએ
ઉર આવી બેસે પછી
આંખ જઈ ઉરમાં લે આરામ લગાર
એક વાર ઉર ઉરની
ગોઠડી ગૂંથાય પછી
સફલ અને ધન્ય બને આંખનો અવતાર
ઉર ત્યાં આંખ નહિ
આંખ ત્યાં ઉર નહિ
ઉર-આંખ કેરા એવા ગેબી છે પ્રકાર
-કરસનદાસ માણેક
Mahobatane Mandave
Pratham prem ugyo kyan
uraman ke ankhaman
popat pandite puchhyo purano savala
uraman ugelo te
ankhamanhi vanchyo
ke ankhaman ugadi ropyo urane patala
ankha ane urano abhedabhav lahe nahi
avalamati ekane bijanun gane sala
ankha vin ur shun
ur vin ankha shi
ur ane ankha vin manavi kangala
ankha pratham ur keri
oth manhi ubhine
ur uran sandhe sandeshavahi tara
ankhani atarie
ur avi bese pachhi
ankha jai uraman le aram lagara
ek var ur urani
goṭhadi gunthaya pachhi
safal ane dhanya bane ankhano avatara
ur tyan ankha nahi
ankha tyan ur nahi
ura-ankha ker ev gebi chhe prakara
-karasanadas maneka
Source: Mavjibhai