ન હીન સંકલ્પ હજો - N Hin Sankalpa Hajo - Lyrics

ન હીન સંકલ્પ હજો

સ્વતંત્રતા, દે વરદાન એટલું:
ન હીન સંકલ્પ હજો કદી મન;

      હૈયું કદીયે ન હજો હતાશ;
      ને ઊર્ધ્વજ્વાલે અમ સર્વ કર્મ
      રહો સદા પ્રજ્વલી, ના અધોમુખ;

      વાણી ન નિષ્કારણ હો કઠોર;
      રૂંધાય દૃષ્ટિ નહિ મોહધુમ્મસે;
      ને આંખમાંના અમી ના સૂકાય;

      ન ભોમકા ગાય વસૂકી શી હો!
      વાણિજ્યમાં વાસ વસંત લક્ષ્મી,
      તે ના નિમંત્રે નિજ નાશ સ્વાર્થથી.

      સ્ત્રીઓ વટાવે નિજ સ્ત્રીત્વ ના કદી,
      બને યુવાનો ન અકાલ વૃદ્ધ,
      વિલાય ના શૈશવનાં શુચિ સ્મિતો;

      ધુરા વહે જે જનતાની અગ્રીણો,
      તે પંગતે હો સહુથી ય છેલ્લા;
      ને બ્રાહ્મણો- સૌમ્ય વિચારકો, તે
      સત્તા તણા રે ન પુરોહિતો બને.

      અને થઈને કવિ, માગું એટલું
      ના તું અમારા કવિવૃંદને કદી
      ઝૂલંત તારે કર પીંજરાના
      બનાવજે પોપટ- ચાટુ બોલતા.

      સ્વતંત્રતા, દે વરદાન આટલું.
      (૧૫-૦૮-૧૯૫૨)

-ઉમાશંકર જોશી


N Hin Sankalpa Hajo

Svatantrata, de varadan eṭalun:
n hin sankalpa hajo kadi mana;

      haiyun kadiye n hajo hatasha;
      ne urdhvajvale am sarva karma
      raho sad prajvali, n adhomukha;

      vani n nishkaran ho kathora;
      rundhaya drushti nahi mohadhummase;
      ne ankhamanna ami n sukaya;

      n bhomak gaya vasuki shi ho!
      vanijyaman vas vasanṭa lakshmi,
      te n nimantre nij nash swarthathi.

      strio vatave nij stritva n kadi,
      bane yuvano n akal vruddha,
      vilaya n shaishavanan shuchi smito;

      dhur vahe je janatani agrino,
      te pangate ho sahuthi ya chhella;
      ne brahmano- saumya vicharako, te
      satṭa tan re n purohito bane.

      ane thaine kavi, magun eṭalun
      n tun amar kavivrundane kadi
      zulanṭa tare kar pinjarana
      banavaje popaṭa- chatu bolata.

      swatantrata, de varadan aṭalun.
      (15-08-1952)

-umashankar joshi

Source: Mavjibhai