નાવિકની ભક્તિ
નાવિક વળતો બોલિયો, સાંભળો માહરા સ્વામ;
સાથ સહુ કો નાવે બેસો, નહિ બેસાડું રામ.
વાર્તા મેં સાંભળી છે, ચરણ રેણુની અપાર;
અહલ્યા ત્યાં સ્ત્રી થઈ સહી, પાષાણ ફીટી નાર.
આજીવિકા માહરી એહ છે, જુઓ મન વિવેક;
સ્ત્રી થાતાં વાર ન લાગે, કાષ્ટ પાષાણ એક.
આજીવિકા ભાંગે માહરી આગે એક સ્ત્રી છે ઘેર;
બે મળીને શું જમે? શી કરું ત્યાં પેર?
હસી વિશ્વામિત્ર બોલીયા, ચરણ–રેણે સ્ત્રી થાય;
તે માટે ગંગાજળ લેઈને, પખાળો હરિ–પાય.
હસીને હરિ હેઠા બેઠા, રામ અશરણ-શરણ;
નાવિકે ગંગાજળ લેઈને, પખાળ્યાં ત્યાં ચરણ.
- ભાલણ
Navikani Bhakti
Navik valato boliyo, sanbhalo mahar swama;
Sath sahu ko nave beso, nahi besadun rama.
Varṭa men sanbhali chhe, charan renuni apara;
Ahalya tyan stri thai sahi, pashan fiti nara.
Ajivik mahari eh chhe, juo man viveka;
Stri thatan var n lage, kashṭa pashan eka.
Ajivik bhange mahari age ek stri chhe ghera;
Be maline shun jame? shi karun tyan pera?
Hasi vishvamitra boliya, charana–rene stri thaya;
Te mate gangajal leine, pakhalo hari–paya.
Hasine hari heth betha, ram asharana-sharana;
Navike gangajal leine, pakhalyan tyan charana.
- bhalana
Source: Mavjibhai