રહેવા દે રહેવા દે આ સંહાર
રહેવા દે, રહેવા દે આ સંહાર, યુવાન! તું,
ઘટે ના ક્રૂરતા આવી: વિશ્વ આશ્રમ સન્તનું.
પંખીડાં, ફૂલડાં રૂડાં, લતા આ,ઝરણાં તરુ;
ઘટે ના ક્રૂર દષ્ટિ ત્યાં: વિશ્વ સૌન્દર્ય કુમળું.
તીરથી પામવા પક્ષી, વ્યર્થ આ ક્રૂરતા મથે;
તીરથી પક્ષી તો ના,ના, કિન્તુ સ્થૂલ મળી શકે.
પક્ષીને પામવાને તો છાનો તું સુણ ગીતને;
પક્ષી તેના પ્રભુ સાથે હૈયામાં મળશે તને.
સૌન્દર્યો વેડફી દેતાં ના, ના, સુન્દરતા મળે;
સૌન્દર્યો પામતાં પ્હેલાં સૌન્દર્ય બનવું પડે.
સૌન્દર્યે ખેલવું એ તો પ્રભુનો ઉપયોગ છે;
પોષવું, પૂજવું એને, એ એનો ઉપભોગ છે.
રહેવા દે, રહેવા દે આ સંહાર, યુવાન! તું;
બધે છે આર્દ્રતા છાઈ, તેમાં કૈં ભળવું ભલું!
-કલાપી
Rahev De Rahev De a Sanhara
Rahev de, rahev de a sanhara, yuvana! Tun,
Ghate n krurat avi: vishva ashram santanun.
Pankhidan, fuladan rudan, lat a,zaranan taru;
Ghate n krur dashti tyan: vishva saundarya kumalun.
Tirathi pamav pakshi, vyartha a krurat mathe;
Tirathi pakshi to na,na, kintu sthul mali shake.
Pakshine pamavane to chhano tun sun gitane;
Pakshi ten prabhu sathe haiyaman malashe tane.
Saundaryo vedafi detan na, na, sundarat male;
Saundaryo pamatan phelan saundarya banavun pade.
Saundarye khelavun e to prabhuno upayog chhe;
Poshavun, pujavun ene, e eno upabhog chhe.
Rahev de, rahev de a sanhara, yuvana! Tun;
Badhe chhe ardrat chhai, teman kain bhalavun bhalun!
-kalapi
Source: Mavjibhai