રંગ ડોલરિયો
એક ઝાડ માથે ઝૂમખડું,
ઝૂમખડે રાતાં ફૂલ રે,
ભંવર રે રંગ ડોલરિયો.
એક ગોખ માથે ભાભલડી,
ભાભીના રાતા રંગ રે… ભંવર.
એક બેન માથે ચૂંદલડી,
ચૂંદલડીએ રાતી ભાત રે… ભંવર.
એક માંચી બેઠા સાસુજી,
સાસુની રાતી આંખ રે… ભંવર.
એક ઓરડે ઊભા જેઠાણી,
એને સેંથે લાલ સિંદુર રે… ભંવર.
એક મેડી માથે દેરાણી,
એના પગમાં રાતો રંગ રે… ભંવર.
એક ફળિયા વચ્ચે નણદલડી,
એનાં પગલાં લાલ હીંગોળ રે… ભંવર
એક ઢોલિયો પોઢ્યા પ્રીતમજી,
એના ઢોલિયાનો રંગ રાતો રે…. ભંવર
એક દરિયા કાંઠે સેજલડી,
સેજલડીએ રંગ હીંડોળ રે…. ભંવર.
ranga ḍolariyo
Ek zāḍ māthe zūmakhaḍun,
Zūmakhaḍe rātān fūl re,
Bhanvar re ranga ḍolariyo.
Ek gokh māthe bhābhalaḍī,
Bhābhīnā rātā ranga re… bhanvara.
Ek ben māthe chūndalaḍī,
Chūndalaḍīe rātī bhāt re… bhanvara.
Ek mānchī beṭhā sāsujī,
Sāsunī rātī ānkha re… bhanvara.
Ek oraḍe ūbhā jeṭhāṇī,
Ene senthe lāl sindur re… Bhanvara.
Ek meḍī māthe derāṇī,
Enā pagamān rāto ranga re… bhanvara.
Ek faḷiyā vachche naṇadalaḍī,
Enān pagalān lāl hīngoḷ re… bhanvara
Ek ḍholiyo poḍhyā prītamajī,
Enā ḍholiyāno ranga rāto re…. Bhanvara
Ek dariyā kānṭhe sejalaḍī,
Sejalaḍīe ranga hīnḍoḷ re…. Bhanvara.