સાવ અમારી જાત અલગ છે
સાવ અમારી જાત અલગ છે કરવી છે તે વાત અલગ છે
સૂતેલાંનાં સ્વપ્ન અલગ ને જાગે તેની રાત અલગ છે
નખશિખ કવચ ધરી શું કરિયેં આડી ઢાલ ધરી શું કરિયેં
અદીઠ રહીને મર્મ ભેદતા અંદરનાં આઘાત અલગ છે
આખેઆખું ઝંઝેડી આ ઝંઝાવાતો ઘોર સૂસવતા
એ ય ભલે જાણી લેતાં કે તરણાની તાકાત અલગ છે
શ્વાસે શ્વાસે સુગંધ જેવું હોવાને ઓગાળી નાખે
એક ઘડી અળગું નવ લાગે સાજનની સોગાત અલગ છે
ભરી સભામાં એક એમની વાત અનોખી કાં લાગે આ
શબ્દો એના એ જ પરંતુ પોત અલગ છે ભાત અલગ છે
-રાજેન્દ્ર શુક્લ
Sav Amari Jat Alag Chhe
Sav amari jat alag chhe karavi chhe te vat alag chhe
Sutelannan swapna alag ne jage teni rat alag chhe
Nakhashikh kavach dhari shun kariyen adi dhal dhari shun kariyen
Adith rahine marma bhedat andaranan aghat alag chhe
Akheakhun zanzedi a zanzavato ghor susavata
E ya bhale jani letan ke taranani takat alag chhe
Shvase shvase sugandha jevun hovane ogali nakhe
Ek ghadi alagun nav lage sajanani sogat alag chhe
Bhari sabhaman ek emani vat anokhi kan lage a
Shabdo en e j parantu pot alag chhe bhat alag chhe
-rajendra shukla
Source: Mavjibhai