તને જોઈ જોઈ તો ય તું અજાણી
તને જોઈ જોઈ તો ય તું અજાણી
(જાણે) બીજને ઝરુખડે ઝૂકી’તી પૂર્ણિમા
ઝાઝેરો ઘૂમટો તાણી
વ્યોમ ને વસુંધરાની કન્યા કોડામણી
તું તો છે સંધ્યાની શોભા સોહામણી
લોચને ભરાય તો ય
દૂર દૂર ધામની
વાયુની લ્હેર સમી અંગને અડી છતાં ય
બાહુને બંધને ના સમાણી
તને જોઈ જોઈ તો ય તું અજાણી
પોઢેલો મૃગ મારા મનનો મરુવને
જલની ઝંકોર તારી જગવી ગૈ એહને
સીમ સીમ રમતી તું
ના’વતી જરી કને
સાબરના નીતરેલ નીર તું ભલે હો આજ
મારે તો ઝાંઝવાના પાણી
તને જોઈ જોઈ તો ય તું અજાણી
(૨૭-૦૨-૧૯૪૭)
-રાજેન્દ્ર શાહ
Tane Joi Joi to Ya Tun Ajani
Tane joi joi to ya tun ajani
(jane) bijane zarukhade zuki’ti purnima
Zazero ghumato tani
Vyom ne vasundharani kanya kodamani
Tun to chhe sandhyani shobh sohamani
Lochane bharaya to ya
Dur dur dhamani
Vayuni lher sami angane adi chhatan ya
Bahune bandhane n samani
Tane joi joi to ya tun ajani
Podhelo mrug mar manano maruvane
Jalani zankor tari jagavi gai ehane
Sim sim ramati tun
Na’vati jari kane
Sabaran nitarel nir tun bhale ho aja
Mare to zanzavan pani
Tane joi joi to ya tun ajani
(27-02-1947)
-rajendra shaha
Source: Mavjibhai