ભવિષ્યવેત્તા
(ઈન્દ્રવજ્રા)
કાલે રજા છે, ગઈ છું ય થાકી, વાંચીશ વહેલા સહુ પાઠ બાકી
તારી હથેળી અહીં લાવ સાચું, હું ભાઈ આજે તુજ ભાગ્ય વાંચું
કેવી પડી છે તુજ હસ્તરેખા, જાણે શું લાખે નવ હોય લેખાં
પૈસા પૂછે છે? ધનની ન ખામી, જાણે અહોહો તું કુબેરસ્વામી
છે ચક્રચિન્હો તુજ અંગુલિમાં, જાણે પુરાયા ફૂટતી કળીમાં
છે મત્સ્ય ઊંચો, જવચિન્હ ખાસ્સાં, ને રાજવી લક્ષણ ભાઈનાં શાં
વિદ્યા ઘણી છે મુજ વીરલાને, ને કીર્તિ એવી કુળહીરલાને
આયુષ્યરેખા અતિ શુદ્ધ ભાળ, ચિંતા કંઈ રોગ તણી તું ટાળ
ને હોય ના વાહનખોટ ડેલે, બંધાય ઘોડા વળી ત્યાં તબેલે
ડોલે સદા યે તુજ દ્વાર હાથી, લે બોલ જોઉં વધુ કાંઈ આથી
જો ભાઈ તારે વળી એક બહેન, ચોરે પચાવે તુજ પાટી પેન
તારું લખે એ ઉજમાળું ભાવિ, જાણે વિધાત્રી થઈ હોય આવી
મારે ય તારે કદી ના વિરોધ, રેખા વહે છે તુજ હેતધોધ
એ હેતના ધોધ મહીં હું ન્હાઉં, ચાંદા ઝબોળી હરકે હું ખાઉં
ડોસો થશે જીવન દીર્ઘ તારું, ખોટી ઠરું તો મુજ મુક્કી હારું
આથી જરા યે કહું ના વધારે, કહેતા રખે તું મુજને વિસારે
જોજે કહ્યું તે સહુ સાચું થાય, ઈલા પછી તો નહિ હર્ષ માય
પેંડા પતાસા ભરી પેટ ખાજે, ને આજ જેવી કવિતા તું ગાજે
-ચંદ્રવદન ચીમનલાલ મહેતા
Bhavishyavetta
(indravajra)
Kale raj chhe, gai chhun ya thaki, vanchish vahel sahu path baki
Tari hatheli ahin lav sachun, hun bhai aje tuj bhagya vanchun
Kevi padi chhe tuj hastarekha, jane shun lakhe nav hoya lekhan
Pais puchhe chhe? dhanani n khami, jane ahoho tun kuberaswami
Chhe chakrachinho tuj anguliman, jane puraya fuṭati kaliman
Chhe matsya uncho, javachinha khassan, ne rajavi lakshan bhainan shan
Vidya ghani chhe muj viralane, ne kirti evi kulahiralane
Ayushyarekh ati shuddha bhala, chinṭa kani rog tani tun tala
Ne hoya n vahanakhot dele, bandhaya ghod vali tyan tabele
Dole sad ye tuj dvar hathi, le bol joun vadhu kani athi
Jo bhai tare vali ek bahena, chore pachave tuj pati pena
Tarun lakhe e ujamalun bhavi, jane vidhatri thai hoya avi
Mare ya tare kadi n virodha, rekh vahe chhe tuj hetadhodha
E hetan dhodh mahin hun nhaun, chanda zaboli harake hun khaun
Doso thashe jivan dirgha tarun, khoti ṭharun to muj mukki harun
Athi jar ye kahun n vadhare, kahet rakhe tun mujane visare
Joje kahyun te sahu sachun thaya, il pachhi to nahi harsha maya
Penda patas bhari pet khaje, ne aj jevi kavit tun gaje
-chandravadan chimanalal maheta
Source: Mavjibhai