હું આજ બેહદ ખુશ છું
હું ખુશ છું, બેહદ આજ ખુશ છું,
સાચું કહું, બેહદ આજ ખુશ છું.
આકાશનો ચંદરવો પુરાણો
જો ચાહતા હો બદલી જ નાંખવા
તો આજ એને બદલી જરૂર
આકાશની સૂરત ફેરવીશ,
કાંકે ખરે બેહદ આજ ખુશ છું.
કહો તમે તે કરવા હું રાજી છું:
લાવો લૂછું ચન્દ્રમુખેથી ડાઘ,
એના હજારો અપરાધ માફ.
કહેજો તમે ઉર્વશીને બને તો
તૈયાર છું શીખવવા હું આજે
અપૂર્વ કો નૃત્યની ચારુ મુદ્રા,
જે જોઇને ઇન્દ્ર વદે: અહાહા!
મારે ઉરે જે થડકંત સ્પન્દનો
તે સૌ નવાં પ્રેમમહિમ્નસ્તોત્રો;
ભૂલો જૂનાં પ્રેમનિવેદનો ને
શીખો નવી આ પ્રણયોક્તિઓને.
શલ્યાતણી આજ કરું અહલ્યા,
સૌન્દર્યરાશિ દઉં, આવ કુબ્જા!
આવે અહીં રાવણરામ બંને
તો મિત્ર એવા કરી નાંખું એમને
કે એકનો સંગ ન અન્ય છોડે!
હું તોપને હાલરડાં ગવાડું,
ને બોમ્બને પુષ્પની વૃષ્ટિ શીખવું,
મારી ખુશીના જળમાં ઝબોળી
હું નિષ્ઠુરોનાં સહુ પાપ ધોઉં.
હું પથ્થરોના ઉરમાં જગાડું
સૂતેલ મીઠાં શમણાંની યાદ;
હું પર્વતોને શિશુ શા નચાવું
ખંખરી ભારેખમ ગર્વભાર.
ક્ષિતિજનો કંચુકીબંધ છોડી
હું પૃથ્વીના યૌવનને પ્રસારું.
ને સાગરોનાં જળબિન્દુઓને
ઘોળી પીવાડું નવલો અજંપો;
આ કાળનો અશ્વ પલાણી એને
દોડાવું ઉન્મત્ત રવાલ ચાલે.
હું ખુશ છું, બેહદ આજ ખુશ છું,
માગો ગમે તે, કહું હું તથાસ્તુ.
ક્હેવા જતાં વાત ખુશી તણી એ,
ક્હેવાતણા માત્ર શ્રમે કરીને,
રે કિન્તુ થાતું કશું દર્દ શેં મને!
તેથી કહું ના કરશો વિલમ્બ,
મારી ખુશીનો પટ ના પ્રલમ્બ!
હું ખુશ છું, બેહદ આજ ખુશ છું,
સાચું કહું બેહદ આજ ખુશ છું.
-સુરેશ જોશી
Hun Aj Behad Khush Chhun
Hun khush chhun, behad aj khush chhun,
Sachun kahun, behad aj khush chhun.
Akashano chandaravo purano
Jo chahat ho badali j nankhava
To aj ene badali jarura
Akashani surat feravisha,
Kanke khare behad aj khush chhun.
Kaho tame te karav hun raji chhun:
Lavo luchhun chandramukhethi dagha,
En hajaro aparadh mafa. Kahejo tame urvashine bane to
Taiyar chhun shikhavav hun aje
Apurva ko nrutyani charu mudra,
Je joine indra vade: ahaha!
Mare ure je thadakanṭa spandano
Te sau navan premamahimnastotro;
Bhulo junan premanivedano ne
Shikho navi a pranayoktione.
Shalyatani aj karun ahalya,
Saundaryarashi daun, av kubja! Ave ahin ravanaram banne
To mitra ev kari nankhun emane
Ke ekano sanga n anya chhode!
Hun topane halaradan gavadun,
Ne bombane pushpani vrushti shikhavun,
Mari khushin jalaman zaboli
Hun nishthuronan sahu pap dhoun.
Hun paththaron uraman jagadun
Sutel mithan shamananni yada;
Hun parvatone shishu sha nachavun
Khankhari bharekham garvabhara. Kshitijano kanchukibandha chhodi
Hun pruthvin yauvanane prasarun.
Ne sagaronan jalabinduone
Gholi pivadun navalo ajanpo;
A kalano ashva palani ene
Dodavun unmatṭa raval chale.
Hun khush chhun, behad aj khush chhun,
Mago game te, kahun hun tathastu.
Khev jatan vat khushi tani e,
Khevatan matra shrame karine,
Re kintu thatun kashun darda shen mane! Tethi kahun n karasho vilamba,
Mari khushino pat n pralamba!
Hun khush chhun, behad aj khush chhun,
Sachun kahun behad aj khush chhun.
-suresh joshi
Source: Mavjibhai