હું તો પૂછું કે…
હું તો પૂછું કે મોરલાની પીંછીમાં રંગરંગવાળી
આ ટીલડી કોણે જડી?
વળી પૂછું કે મીંદડીની માંજરી-શી આંખમાં
ચકમકતી કીકીઓ કોણે મઢી?
હું તો પૂછું કે આંબલાની ટોચે જ્યાં હાથ ના પોં’ચે
ત્યાં કૂંપળો કોણે કરી?
વળી પૂછું કે ગાવડીના પેટે આ દૂધ કેરી ધોળી
મીઠી ધાર કોણે ભરી?
હું તો પૂછું કે ચાંદાની થાળીમાં બકરી ને ડોસીની
ઝૂંપડી કોણે મઢી?
વળી પૂછું કે આભની હથેળીમાં સૂરજની ભમતી
ભમરડી કોણે કરી?
હું તો પૂછું કે પોપચે મઢેલી આ દશ દિશ દેખંતી
આંખ મારી કોણે કરી?
વળી પૂછું કે નવલખ તારે મઢેલી આ
આભલાની ચૂંદડી કોણે કરી?
हुं तो पूछुं के…
हुं तो पूछुं के मोरलानी पींछीमां रंगरंगवाळी
आ टीलडी कोणे जडी?
वळी पूछुं के मींदडीनी मांजरी-शी आंखमां
चकमकती कीकीओ कोणे मढी?
हुं तो पूछुं के आंबलानी टोचे ज्यां हाथ ना पों’चे
त्यां कूंपळो कोणे करी?
वळी पूछुं के गावडीना पेटे आ दूध केरी धोळी
मीठी धार कोणे भरी?
हुं तो पूछुं के चांदानी थाळीमां बकरी ने डोसीनी
झूंपडी कोणे मढी?
वळी पूछुं के आभनी हथेळीमां सूरजनी भमती
भमरडी कोणे करी?
हुं तो पूछुं के पोपचे मढेली आ दश दिश देखंती
आंख मारी कोणे करी?
वळी पूछुं के नवलख तारे मढेली आ
आभलानी चूंदडी कोणे करी?
Hun To Puchhun Ke…
Hun to puchhun ke moralani pinchhiman rangarangavali
A tiladi kone jadi? Vali puchhun ke mindadini manjari-shi ankhaman
Chakamakati kikio kone madhi?
Hun to puchhun ke anbalani toche jyan hath na pon’che
Tyan kunpalo kone kari? Vali puchhun ke gavadina pete a dud keri dholi
Mithi dhar kone bhari?
Hun to puchhun ke chandani thaliman bakari ne dosini
Zunpadi kone madhi?
Vali puchhun ke abhani hatheliman surajani bhamati
Bhamaradi kone kari?
Hun to puchhun ke popache madheli a dash dish dekhanti
Ankh mari kone kari? Vali puchhun ke navalakh tare madheli a
Abhalani chundadi kone kari?
Hun to pūchhun ke…
Hun to pūchhun ke moralānī pīnchhīmān rangarangavāḷī
Ā ṭīlaḍī koṇe jaḍī? Vaḷī pūchhun ke mīndaḍīnī mānjarī-shī ānkhamān
Chakamakatī kīkīo koṇe maḍhī?
Hun to pūchhun ke ānbalānī ṭoche jyān hāth nā pon’che
Tyān kūnpaḷo koṇe karī? Vaḷī pūchhun ke gāvaḍīnā peṭe ā dūḍ kerī dhoḷī
Mīṭhī dhār koṇe bharī?
Hun to pūchhun ke chāndānī thāḷīmān bakarī ne ḍosīnī
Zūnpaḍī koṇe maḍhī?
Vaḷī pūchhun ke ābhanī hatheḷīmān sūrajanī bhamatī
Bhamaraḍī koṇe karī?
Hun to pūchhun ke popache maḍhelī ā dash dish dekhantī
Ānkh mārī koṇe karī? Vaḷī pūchhun ke navalakh tāre maḍhelī ā
Ābhalānī chūndaḍī koṇe karī?
Source : સુન્દરમ્