કાચબા-કાચબીનું ભજન
કાચબો કહે છે કાચબીને તું રાખની ધારણ ધીર
આપણને ઉગારશે વહાલો જુગતેશું જદુવીર
ચિંતા મેલી શરણે આવો રે
મરવા તુંને નહિ દે માવો રે
વારતી’તી તે સમે તેં શા વાસ્તે મારું કેમ ન માન્યું કે’ણ
હવે નથી કોઈ આરો વારો થયા પૂરા આયખાના ખેલ
પ્રભુ તારો ન આવ્યો પ્રાણી રે
માથે આવી મોત નિશાની રે
અબળાને એતબાર ન આવે કોટી કરોને ઉપાય
કહ્યું ન માને કોઈનું રે એ તો ગાયું પોતાનું ગાય
એવી તો વિશ્વાસવિહોણી રે
પ્રથમ તો મત્સ્યની પોણી રે
કાચબી કહે છે ક્યાં છે તારો રાખણહારો રામ
હરિ નથી કોઈના હાથમાં રે તમે શું બોલો છો શ્યામ
મરવા ટાણે મતિ મુંઝાણી રે
ત્રુટ્યા પછી ઝાલવું તાણી રે
ત્રિકમજી ત્રણ લોકમાં મારે તારો છે એતબાર
અટક પડી હરિ આવજો રે મારા આતમનો આધાર
છોગાળા વાત છે છેલ્લી રે
ધાજો બુડ્યાના બેલી રે
કાચબી કહે છે કોણ ઉગારે જાતો રહ્યો જગદીશ
ચારે દિશાથી સળગી ગયું તેમાં ઓરીને વિચોવીચ
જેનો વિશ્વાસ છે તારે રે
એનો એતબાર ન મારે રે
બળતી હોય તો બેસને મારી પીઠ ઉપર રાખું તારા પ્રાણ
નિંદા કરે છે નાથની રે એ તો મારે છે મુજને બાણ
વહાલો મારો આવશે વ્હારે રે
ઓર્યામાંથી ઉગારવા સાટે રે
કાચબી કહે છે કિરતાર ન આવ્યો આવ્યો આપણો અંત
પ્રાણ ગયા પછી પહોંચશે રે તમે શું બાંધો આશનો તંત
આમાંથી જો આજ ઊગરીએ રે
પાણી બાર કદી ન પગ ભરીએ રે
વિઠ્ઠલજી મારી વિનંતિ સુણી શામળા લેજો સાર
લીહ લોપાશે લોકમાં રે બીજે જાશો કોની વહાર
હરિ મારી હાંસી થાશે રે
પરભુ પરતીતિ જાશે રે
કેશવજીને કરુણા આવી મોકલ્યા મેઘ મલ્હાર
આંધણમાંથી ઉગારિયો આવી કાચબાને કિરતાર
ભોજો કે છે ભરોંસો આવશે જેને રે
ત્રિકમજી મારો તારશે તેને રે
- ભોજો ભગત
Kachaba-Kachabinun Bhajana
Kachabo kahe chhe kachabine tun rakhani dharan dhira
Apanane ugarashe vahalo jugateshun jaduvira
Chinṭa meli sharane avo re
Marav tunne nahi de mavo re
Varati’ti te same ten sha vaste marun kem n manyun ke’na
Have nathi koi aro varo thaya pur ayakhan khela
Prabhu taro n avyo prani re
Mathe avi mot nishani re
Abalane etabar n ave koti karone upaya
Kahyun n mane koinun re e to gayun potanun gaya
Evi to vishvasavihoni re
Pratham to matsyani poni re
Kachabi kahe chhe kyan chhe taro rakhanaharo rama
Hari nathi koin hathaman re tame shun bolo chho shyama
Marav tane mati munzani re
Trutya pachhi zalavun tani re
Trikamaji tran lokaman mare taro chhe etabara
Aṭak padi hari avajo re mar atamano adhara
Chhogal vat chhe chhelli re
Dhajo budyan beli re
Kachabi kahe chhe kon ugare jato rahyo jagadisha
Chare dishathi salagi gayun teman orine vichovicha
Jeno vishvas chhe tare re
Eno etabar n mare re
Balati hoya to besane mari pith upar rakhun tar prana
Ninda kare chhe nathani re e to mare chhe mujane bana
Vahalo maro avashe vhare re
Oryamanthi ugarav sate re
Kachabi kahe chhe kiratar n avyo avyo apano anta
Pran gaya pachhi pahonchashe re tame shun bandho ashano tanta
Amanthi jo aj ugarie re
Pani bar kadi n pag bharie re
Vithṭhalaji mari vinanti suni shamal lejo sara
Lih lopashe lokaman re bije jasho koni vahara
Hari mari hansi thashe re
Parabhu paratiti jashe re
Keshavajine karun avi mokalya megh malhara
Andhanamanthi ugariyo avi kachabane kiratara
Bhojo ke chhe bharonso avashe jene re
Trikamaji maro tarashe tene re
- bhojo bhagata
Source: Mavjibhai