લીધી વિદાય અંતે સ્વજનોતણી તમે
લીધી વિદાય અંતે સ્વજનોતણી તમે
લીધી વિદાય અંતે સ્વજનોતણી તમે,
લીલા બધી વિલોકી સાક્ષી બની અમે.
ના શોક ના શિકાયત સંતાપ સ્વલ્પયે ના
જોવા મળ્યો તમારા મુખમંડલે ઉરે ના.
સંપૂર્ણ મોહમાર્જન અધ્યાત્મનું ઉપાર્જન
પામ્યાં પરમ કરીને બંધનતણું વિસર્જન.
સર્જન કર્યું નવું શું આનંદમય અલૌકિક,
શાશ્વત સુવાસ પ્રગટી પાછી અનંત વૈદિક.
વર્ષી શુભાશિષોને શાશ્વત સમાધિ લીધી
કલ્યાણપંથ કેડી રમતાં જ શીઘ્ર ચીંધી.
મસ્તક તમારા ચરણે સાદર ભલે નમે,
દીક્ષા વિદાય કેરી પામી શક્યાં અમે.
– શ્રી યોગેશ્વરજી
Lidhi Viday Ante Svajanotani Tame
Lidhi Viday Ante Svajanotani Tame
Līdhī vidāya ante svajanotaṇī tame,
Līlā badhī vilokī sākṣhī banī ame.
Nā shok nā shikāyat santāp svalpaye nā
Jovā maḷyo tamārā mukhamanḍale ure nā.
Sanpūrṇa mohamārjan adhyātmanun upārjana
Pāmyān param karīne bandhanataṇun visarjana.
Sarjan karyun navun shun ānandamaya alaukika,
Shāshvat suvās pragaṭī pāchhī ananta vaidika.
Varṣhī shubhāshiṣhone shāshvat samādhi līdhī
Kalyāṇapantha keḍī ramatān j shīghra chīndhī.
Mastak tamārā charaṇe sādar bhale name,
Dīkṣhā vidāya kerī pāmī shakyān ame.
– Shrī Yogeshvarajī