મોર બની થનગાટ કરે, મન મોર બની થનગાટ કરે
ઘનઘોર ઝરે ચહું ઓર મારું મન મોર બની થનગાટ કરે
બહુ રંગ ઉમંગનાં પીંછ પસારીને
બાદલસું નિજ નેનન ધારીને, મેઘમલાર ઉચારીને
આકુલ પ્રાણ કોને કલસાદ કરે
મન મોર બની થનગાટ કરે
ઘર ઘરર ઘરર મેઘઘટા ગગને ગગને ગરજાટ ભરે
ગુમરી ગુમરી ગરજાટ ભરે નવ ધાન ભરી સારી સીમ ઝૂલે
નદીયું નવજોબન ભાન ભૂલે નવ દીન કપોતની પાંખ ખૂલે
મધરા મધરા મલકાઈને મેંડક મેહસું નેહસું બાત કરે
ગગને ગગને ઘૂમરાઈને પાગલ મેઘઘટા ગરજાટ ભરે
મન મોર બની થનગાટ કરે
નવ મેઘ તણે નીલ આંજણીએ મારાં ઘેઘૂર નેન ઝગાટ કરે
મારાં લોચનમાં મદઘેન ભરે વનછાંય તળે હરિયાળી પરે
મારો આતમ લહેર બિછાત કરે સચરાચર શ્યામલ ભાત ધરે
મારો પ્રાણ કરી પુલકાટ ગયો પથરાઈ સારી વનરાઈ પરે
ઓ રે મેઘ આષાઢીલો આજ મારે દોય નેન નીલાંજન ઘેન ભરે
મન મોર બની થનગાટ કરે
ઓલી કોણ કરી લટ મોકળીયું ખડી આભ મહોલ અટારી પરે
ઊંચી મેઘ મહોલ અટારી પરે અને ચાકમચૂર બે ઉર પરે
પચરંગીન બાદલ પાલવડે કરી આડશ કોણ ઊભેલ અરે
ઓલી વીજ કેરે અંજવાસ નવેસર રાસ લેવા અંકલાશ ચડે
ઓલી કોણ પયોધર સંઘરતી વિખરેલ લટે ખડી મે’લ પરે
મન મોર બની થનગાટ કરે
નદી તીર કેરાં કૂણાં ઘાસ પરે પનિહારી એ કોણ વિચાર કરે
પટકૂળ નવે પાણી ઘાટ પરે એની સૂનમાં મીટ સમાઈ રહી
એની ગાગર નીર તણાઈ રહી એને ઘર જવા દરકાર નહિ
મુખ માલતી ફૂલની કૂંપળ ચાવતી કોણ બીજા કેરું ધ્યાન ધરે
પનિહારી નવે શણગાર નદી કેરે તીર ગંભીર વિચાર કરે
મન મોર બની થનગાટ કરે
ઓલી કોણ હિંડોળ ચગાવત એકલ ફૂલ બકુલની ડાળ પરે
ચકચૂર બની ફૂલ ડાળ પરે વિખરેલ અંબોડાના વાળ ઝૂલે
દિયે દેહ નીંડોળ ને ડાળ હલે શિર ઉપર ફૂલ ઝકોળ ઝરે
એની ઘાયલ દેહના છાયલ છેડલા આભ ઊડી ફરકાટ કરે
ઓલી કોણ ફંગોળ લગાવત એકલ ફૂલ બકુલની ડાળ પરે
મન મોર બની થનગાટ કરે
મોર બની થનગાટ કરે આજે મોર બની થનગાટ કરે
મન મોર બની થનગાટ કરે
તમરાંને સ્વરે કાળી રાત ધ્રૂજે નવ બાદલને ઉર આગ બૂઝે
નદી પૂર જાણે વનરાજ ગુંજે હડૂડાટ કરી સારી સીમ ભરી
સરિતા અડી ગામની દેવડીએ ઘનઘોર ઝરે ચહું ઓર
મારું મન મોર બની થનગાટ કરે
મન મોર બની થનગાટ કરે
Maru Man Mor Bani Thangat Kare
Mor bani thanagat kare, man mor bani thanagat kare
Ghanaghor zare chahun or marun man mor bani thanagat kare
Bahu ranga umanganan pinchha pasarine
Badalasun nij nenan dharine, meghamalar ucharine
Akul pran kone kalasad kare
Man mor bani thanagat kare
Ghar gharar gharar meghaghat gagane gagane garajat bhare
Gumari gumari garajat bhare nav dhan bhari sari sim zule
Nadiyun navajoban bhan bhule nav din kapotani pankha khule
Madhar madhar malakaine mendak mehasun nehasun bat kare
Gagane gagane ghumaraine pagal meghaghat garajat bhare
Man mor bani thanagat kare
Nav megh tane nil anjanie maran gheghur nen zagat kare
Maran lochanaman madaghen bhare vanachhanya tale hariyali pare
Maro atam laher bichhat kare sacharachar shyamal bhat dhare
Maro pran kari pulakat gayo patharai sari vanarai pare
O re megh ashadhilo aj mare doya nen nilanjan ghen bhare
Man mor bani thanagat kare
Oli kon kari lat mokaliyun khadi abh mahol atari pare
Unchi megh mahol atari pare ane chakamachur be ur pare
Pacharangin badal palavade kari adash kon ubhel are
Oli vij kere anjavas navesar ras lev ankalash chade
Oli kon payodhar sangharati vikharel late khadi me’l pare
Man mor bani thanagat kare
Nadi tir keran kunan ghas pare panihari e kon vichar kare
Paṭakul nave pani ghat pare eni sunaman mit samai rahi
Eni gagar nir tanai rahi ene ghar jav darakar nahi
Mukh malati fulani kunpal chavati kon bij kerun dhyan dhare
Panihari nave shanagar nadi kere tir ganbhir vichar kare
Man mor bani thanagat kare
Oli kon hindol chagavat ekal ful bakulani dal pare
Chakachur bani ful dal pare vikharel anbodan val zule
Diye deh nindol ne dal hale shir upar ful zakol zare
Eni ghayal dehan chhayal chhedal abh udi farakat kare
Oli kon fangol lagavat ekal ful bakulani dal pare
Man mor bani thanagat kare
Mor bani thanagat kare aje mor bani thanagat kare
Man mor bani thanagat kare
Tamaranne sware kali rat dhruje nav badalane ur ag buze
Nadi pur jane vanaraj gunje hadudat kari sari sim bhari
Sarit adi gamani devadie ghanaghor zare chahun ora
Marun man mor bani thanagat kare
Man mor bani thanagat kare
– ઝવેરચંદ મેઘાણી
Mann Mor Bani Thangat Kare - Shri Hemu Gadhvi. (2015, July 31). YouTube