મુજ અબળાને મોટી મીરાત
મુજ અબળાને મોટી મીરાત બાઈ શામળો ઘરેણું મારું સાચું રે
વાળી ઘડાવું વિઠ્ઠલવર કેરી હાર હરિનો મારે હૈયે રે
ચિત્તમાળા ચતુરભૂજ ચૂડલો શીદ સોની ઘેર જઈએ રે
ઝાંઝરિયાં જગજીવન કેરાં કૃષ્ણજી કલ્લાં ને રાંબી રે
વિંછુવા ઘૂઘરા રામ નારાયણના અણવટ અંતરજામી રે
પેટી ઘડાવું પુરુષોત્તમ કેરી ત્રિકમ નામનું તાળું રે
કૂંચી કરાવું કરુણાનંદ કેરી તેમાં ઘરેણું મારું ઘાલું રે
સાસરવાસો સજીને બેઠી હવે નથી કંઈ કાચું રે
બાઈ મીરાં કહે પ્રભુ ગિરધર નાગર હરિને ચરણે જાચું રે
- મીરાંબાઈ
Muj Abalane Moti Mirata
Muj abalane moti mirat bai shamalo gharenun marun sachun re
Vali ghadavun vithṭhalavar keri har harino mare haiye re
Chittamal chaturabhuj chudalo shid soni gher jaie re
Zanzariyan jagajivan keran krushnaji kallan ne ranbi re
Vinchhuv ghughar ram narayanan anavat antarajami re
Peti ghadavun purushottam keri trikam namanun talun re
Kunchi karavun karunananda keri teman gharenun marun ghalun re
Sasaravaso sajine bethi have nathi kani kachun re
Bai miran kahe prabhu giradhar nagar harine charane jachun re
- miranbai
Source: Mavjibhai