આભમાં ઊગેલ ચાંદલોને જીજીબાઈને આવ્યા બાળ
બાલુડાને માતા હિંચોળે
ઘણણણ ડુંગરા ડોલે
શિવાજીને નીંદરું નાવે
માતા જીજાબાઈ ઝૂલાવે
પેટમાં પોઢીને સાંભળેલી બાળે રામ લક્ષ્મણની વાત
માતાજીને મુખે જે દી’થી
ઉડી એની ઉંઘ તે દી’થી…શિવાજીને
પોઢજો રે મારા બાળ પોઢી લે જો પેટભરીને આજ
કાલે કાળા જુદ્ધ ખેલાશે
સૂવા ટાણું કયાંય ન રહેશે….શિવાજીને
ધાવજો રે મારા પેટ ધાવી લેજો ખૂબ ધ્રપીને આજ
રેશે નહિ રણ ઘેલુડા
ખાવા મૂઠી ધાનની વેળા….શિવાજીને
પેરી ઓઢી લેજો પાતળાં રે પીળાં લાલ પીરોજી ચીર
કાયા તારી લોહીમાં નાશે
ઢાંકણ તે દી’ ઢાલનું થાશે….શિવાજીને
ઘૂઘરા ધાવણી પોપટ લાકડી ફેરવી લેજો આજ
તે દી’ તારે હાથ રે’વાની
રાતી બંબોળ ભવાની……શિવાજીને
લાલ કંકુ કેરા ચાંદલાને ભાલે તાણજો કેસર આડય
તે દી’ તો સિંદોરીયા થાપા
છાતી માથે ઝીલવા બાપા….શિવાજીને
આજ માતા ચોડે ચુમિયું રે બાળા ઝીલજો બેવડ ગાલ
તે દી’ તારા મોઢડા માથે
વાંધાર તોપ મંડાશે….શિવાજીને
આજ માતાજીની ગોદમાં રે તુને હૂંફ આવે આઠ પોર
તે દી’ કાળી મેઘલી રાતે
વાયુ ટાઢા મોતના વાશે….શિવાજીને
આજ માતા દેતી પાથરી રે કૂણાં ફૂલડા કેરી સેજ
તે દી’ તારી વીર પથારી
પાથરશે વીશભુજાળી….શિવાજીને
આજ માતાજીને ખોળલે રે તારા માથડા ઝેલે જાય
તે દી’ તારે શીર ઓશિકાં
મેલાશે તીરબંધૂકા…શિવાજીને
સૂઈ લે જો મારા કેસરી રે તારી હિંદવાણ્યું જોવે વાટ
જાગી વે’લો આવ બાલુડા
માને હાથે ભેટ બંધાવા….શિવાજીને
જાગી વેલો આવજે વીરા
ટીલુ માના લોહીનું લેવા
શિવાજીને નીદરું ના’વે
માતા જીજાબાઈ ઝૂલાવે
ઘણણણ ડુંગરા ડોલે
Shivaji Nu Halardu
Ābhamān ūgel chāndalone jījībāīne āvyā bāḷa
Bāluḍāne mātā hinchoḷe
Ghaṇaṇaṇ ḍungarā ḍole
Shivājīne nīndarun nāve
Mātā jījābāī zūlāve
Peṭamān poḍhīne sānbhaḷelī bāḷe rām lakṣhmaṇanī vāta
Mātājīne mukhe je dī’thī
Uḍī enī ungha te dī’thī…shivājīne
Poḍhajo re mārā bāḷ poḍhī le jo peṭabharīne āja
Kāle kāḷā juddha khelāshe
Sūvā ṭāṇun kayānya n raheshe….shivājīne
Dhāvajo re mārā peṭ dhāvī lejo khūb dhrapīne āj
Reshe nahi raṇ gheluḍā
Khāvā mūṭhī dhānanī veḷā….shivājīne
Perī oḍhī lejo pātaḷān re pīḷān lāl pīrojī chīr
Kāyā tārī lohīmān nāshe
Ḍhānkaṇ te dī’ ḍhālanun thāshe….shivājīne
Ghūgharā dhāvaṇī popaṭ lākaḍī feravī lejo āj
Te dī’ tāre hāth re’vānī
Rātī banboḷ bhavānī……shivājīne
Lāl kanku kerā chāndalāne bhāle tāṇajo kesar āḍaya
Te dī’ to sindorīyā thāpā
Chhātī māthe zīlavā bāpā….shivājīne
Āj mātā choḍe chumiyun re bāḷā zīlajo bevaḍ gāla
Te dī’ tārā moḍhaḍā māthe
Vāndhār top manḍāshe….shivājīne
Āj mātājīnī godamān re tune hūnfa āve āṭh pora
Te dī’ kāḷī meghalī rāte
Vāyu ṭāḍhā motanā vāshe….shivājīne
Āj mātā detī pātharī re kūṇān fūlaḍā kerī sej
Te dī’ tārī vīr pathārī
Pātharashe vīshabhujāḷī….shivājīne
Āj mātājīne khoḷale re tārā māthaḍā zele jāya
Te dī’ tāre shīr oshikān
Melāshe tīrabandhūkā…shivājīne
Sūī le jo mārā kesarī re tārī hindavāṇyun jove vāṭa
Jāgī ve’lo āv bāluḍā
Māne hāthe bheṭ bandhāvā….shivājīne
Jāgī velo āvaje vīrā
Ṭīlu mānā lohīnun levā
Shivājīne nīdarun nā’ve
Mātā jījābāī zūlāve
Ghaṇaṇaṇ ḍungarā ḍole
Divya Publication. (2020). કિર્તન સાગર
Shivaji Nu Halardu - Halarda with Lyrics | Lalitya Munshaw | Jhaverchand Meghani | Red Ribbon. (2016, May 7). YouTube