ઝાડ એના પાંદડાંને પૂછે છે
ઝાડ એના પાંદડાંને પૂછે છે-
કેમ? તું મારું નથી એવો
શા માટે પડ્યો તને વ્હેમ?
પાંદડાએ પૂછ્યુ કે, મારું નામ પાન છે
તો શા માટે તારું નામ ઝાડ છે?
શા માટે તારી ને મારી વચ્ચાળ
આમ ડાળી ને ડાળખાંની આડ છે?
ઝાડવું કહે કે તારી વહાલુડી લીલપને
સાચવું છું, આવડે છે એમ!
પાંદડું કહે કે, મારે અડવું આકાશને
ને તું મને શા માટે બાંધતું?
ઝાડવું કહે કે, એ તો ધરતીનું વ્હાલ છે…
જે સૌ સાથે આપણને સાંધતું
તૂટવાનો અર્થ તને અડકે નહીં, તોડે નહીં
એને હું કહું મારો પ્રેમ!
-રમેશ પારેખ
Zad en Pandadanne Puchhe Chhe
Zad en pandadanne puchhe chhe-
Kema? Tun marun nathi evo
Sha mate padyo tane vhema?
Pandadae puchhyu ke, marun nam pan chhe
To sha mate tarun nam zad chhe?
Sha mate tari ne mari vachchala
Am dali ne dalakhanni ad chhe?
Zadavun kahe ke tari vahaludi lilapane
Sachavun chhun, avade chhe ema!
Pandadun kahe ke, mare adavun akashane
Ne tun mane sha mate bandhatun?
Zadavun kahe ke, e to dharatinun vhal chhe…
Je sau sathe apanane sandhatun
Tuṭavano artha tane adake nahin, tode nahin
Ene hun kahun maro prema!
-Ramesh Parekha
Source: Mavjibhai